لعلها ترقى وتلقى
انا قمت استرق برج الشعر واستحكم الجمله .. وانا قامت شياطيني تراجد في جبل مارد
وانا لي في يميني من شياطين الشعــر دبله .. تلملم لي هواجيسي وتجمع فكري الشارد
الوسيعه ياوليف الــروح ضاقت .. والهمـوم طيور حول القلب حامو
شيب راسـي من ثلاث ايام فاتت .. والله ان كنــــي سجين بقنتنامو
هموم صدري كنها سيــــل جده .. مافيه شي بصدري الا تحــطم
مبنى السعاده جاه ذا السيل هده .. ومبنى الثقه ربي ستر ماتهدم
القلب لا ضـاق من خافيك واخلاجه .. شف لك طريقه تهدي الروح وانهجها
وان كـان تبغى لقلبك وصفة علاجه .. فاعــقــد نوايـــاك للــرحمــن يفرجها
لا حــــلّ جنح الظلام فصل ثم ناجه .. الـــروح تبغـــى من المهـوم مخرجها
ليــــه فايام الدوام نقــــوم بدري .. نذكر الله كل ماحـــــــل الفجر
والاجازه ينقلب ذا الوضع جذري .. مانقوم الا بعد شمس الظهر
صح انا رجلن فقير وما امتلك حق العشا .. بس لي ياخوك عزة نفس ماهي في الملوك
داخلي شيخن على درب المعـــزه قد نشا .. حالـفن ماينحنـي لهـــل الدراهــــم والبنوك
حبيب قلبي غير عن باقي النسا .. في كوم والعالم عن اوصافه بكوم
مثل القمر لا طل في وقـت المسا .. غطى على نور الكواكب والنجوم
البنت كنها في حظــــوره خنفسا .. لو زينت في وجهها تسعين يـوم
انا لولا احترامي للادب لاكتب جمل وحروف
يظل بها ابو الاسود وسيباويه يجهلها
انا كعبة شعر حولي رجاجيل القصيد تطــوف
وتحلق لي شواربها بعد ماكان تفتلها
حبيبي هاك ماتبغاه واطلب لو تبى الدنيــا
معك ماعرف ترى الا ياس ماعرف ياحبيبي ناو
اموت بغيبتك وان جيتني عقب الغياب احيا
احبك واعشقك وحروف شعري من غلاتك جاو
حفظت الابجديه من ألفها لين حرف اليـــا
ولكن ماملا عيني جعل مابكيك غيــــر (الواو)
شفنا الشعوب اتحرّق انفسها وفي وضع ارتباك
من شان قادتها تطيح احـــــــدن بكى واحـــــدن هلك
وحن كل منا قام يحرق نفسه لحـــــــــــد الهلاك
نهلك لجل تبقى يابو متعب على شعبـــــــــــــك ملك
الخاين اللي لجله الدمع قد سال .. اللي سرق قلبي وروحي قتلها
عقلني ابحبــل الدعايات واحتال .. ويوم ان قلبي راح توّه سحلها
مانـــي ولــد حرن ولاني برجال .. ان ماخذيت حقوـق قلبي دبلها
وسلامتكم جميع
