عبدالله السفيآني




سلام الله وينقصها التصافح وانا ماصافح=على هذا نقول الوقت غير وفاخر الهجره
وكم شعار نعرفهم وكم ضاوي وكم سارح=يقولون الشعر والشاعر اللي يحبك الفكرة



ريمآ

الا يامرحبا بالشاعر اللي كنه يطارح=يبي يمكر بخلق الله وانا عندي دواء مكره

الا يابعد فرق الليله الليله من البارح=لزوم ان تعرف ان اللي مضا مايرتجا بكره




عبدالله السفيآني



ولا يتاجر اللي لك زمن تخسر ولاتربح=ولوقلنا له المنتوج ما نلقى ولاذره
تدكترنا وفهمنا ودرسنا وكم نشرح=لكن الفرق بين الناس فالمعقول والقدره





ريمآ



تقوله ماتقوله والعلوم بصالحي ترجح=نوردها على الصافي وخلك تشرب العكره

تريح يالحجازي دام انا بالدار لاتفرح=الاياشين وجهك بعد ماتصحي من السكره




عبدالله السفيآني





سرى لليل المغني يوم قلنا له علـى المسـرح=تركد وفهـم الموضـوع وعـرف قطفـة الثمـره
وكم فارس ليا شاف الوغى فالخلف ما يشبح=يهاجـم ماعليـه اخـالـف والـكـره ورى الـكـره







ريمآ


يقولون العرب من حزموه الناس مايفلح=ترا للحين مادونت شي ينوجب ذكره

كثير اللي يعاندني وخلي روسهم تقرح=القمك الشحم لكن نفس ترغب التمره







عبدالله السفيآني





حليل القربه اللي يوم شفناها ضحى تنضح=وماينضح دليل اللـي بهـا لوكـان مسستـره
اشـب النـار وانـا اللـي مولعهـا وانـا بقـدح=وازيدالنار بالمنزيـن وزيـد الحطـب سمـره







ريمآ



مهذري يالمهذري والمهذري قصته تجرح=الا ياعزتي لـ الشايب اللي باخره عمره

زملت من العجوز اللي وراك وجيتني تجنح=يبي يشفي غليله بس ازود حرته جمره





عبدالله السفيآني



على مفهوم غير وياعليل القلـب لا تشطـح=انا اشوف المعاني مثل قطوة جات منحشره
حليـل ام الكبايـر يــوم لاتـرفـس ولا تنـطـح=ولاهزت جبل شمـرخ ولا هـزت ولا شعـره



ريمآ




تبي تندم على فعلك وعذرك لايصير اقبح=ليا طول عليك الليل ضعت وطحت بالغمره

ترا ماهي على كيفك غشيم ورايحن تسبح=ترا قسمك مع الاشناب فالباقي على السفره







عبدالله السفيآني





ابـو زيـد الهـلا لـي طبـع فيـه وديـدنـه يصـفـح=ولا يحمـل مـن الدنيـاء كـريـم واسـعـاً صــدره
يقـال اللـي بليـغ اعـذب ليامنـه هــرج افـصـح=يعرف اللي نصب غير اللذي مكسور بالكسره


ريمآ

ترا خير الرجال اللي ليا قر بخطاه افلح=لافات الفوت يارجال ماتنفع معك حسره

انا بعطيك شوري وانت حدد موقعك واشبح=ترى الماسه معك يسره فخل دروبك العسره