الا يلي عن عيوني تغيب وتجرح الوجدان=امانة ترفق بحالي تراني مت باهاتي
تغيب وتكثر الصدة وانا واقف على البيبان=اناظر وانتظر جيّة تعالج لي جراحاتي
تعبت اداري الونّة واخبي طابع الاحزان=وافّل حجاجي بشدة وانا ملتاع بسكاتي
تراني حافظن عهدي ولا انا للعهد خوّان=ولايمكن اخون اللي تربّع في وسط ذاتي
نسيم الليل لا نسنس صحئ لي هاجسن ولهان=وقام يهل باشعارة ويكتب اجمل ابياتي
تبيت الناس بالممساء وانا من بدت العربان=اسامر هاجسي وحدي واهوجس من معاناتي
صبرت وطالت المدة واشوف ان الصبر كملان=تداركني ترئ حالي تحامت فية مأساتي
رجيتك تقطع الصدة وتجبر خاطرن شفقان=رجاة الوصل واللّمة تراها اعز غاياتي
