عديت في ضلع ٍ طويل معداه=العصر يوم الظل ناسب مزاجه
حار القدم في ما قفي ماتعداه=حصلت في رأس الطويل انحراجه
رجم ٍ ياعل مخيل المزن ياطاه=ويأخذ على هاك الهضاب أدراجه
يسقيك حتى يرتوي القاع من ماه=وسيل الشغايا مع المسيل يتواجه
لاواهنيك يالهويدي هنياه=يوم ٍ مالك في المخاليق حاجه
ما أونست حب اللي يحني شفاياه=ماتل قلبك بالدلع والغناجه
الي جرح قلبي ومع الطب ما جاه=يا مل عيني وين أحصل علاجه
عليه قلبي حايمات ٍ ضماياه=كيف يحصلي شربة ً بنفراجة
العين عجزت عن كرا النوم تسلاه=والنوم عيا لا يجيها أسهاجه
تفكون ياربعي يا هل العرف والجاه=اللي لبستو مع هل العرف تاجه
حماية التالي نهار المثاراه=لياغطى رؤؤس الحتايف عجاجه
أنا بلايه بعد غالي وفرقاه=أخلف هواء بالي وغير مزاجه
غالي بحبه داخل القلب يفراه=وهو سبب جرحه وعنده علاجه