الملتقى الجماهيري للشاعر محمد بن فطيس المري - عرض مشاركة واحدة - شيهانةً بس هي ياوي شيهانه معذور من شافها لو طوح الغتره ....

#1 05-29-2012, 12:44 AM

شيهانةً بس هي ياوي شيهانه معذور من شافها لو طوح الغتره ....

*ّ. السلام عليكم ورحمة الله وبركاته .ّ*

البارحه يوم كلن راح في شانه
........................ والليل خوع وكلن نام في قصره
صحيت واطلب من المعبود سبحانه
........................ واقول يالله تعين اللي نفذ صبره
لا مآل حيف الزمان وكثرة اعوانه
................... وقلب المولع تقول انه على الجمره
ينوح نوح الحمام ويعزف الحانه
................... ويجاوب الورق لاناحة على الشجره
يابو محمد فداك اللاش واخوانه
................ لو شفت غروْ يتمشى العصر في شبره
يرقى برأس الطويله بين حيانه
...................... وبرد الشمال يتفهق من على ثغره
لو شفتها مثل حرآ فل جنحانه
......................... لولآ سبوقه مجودته على وكره
شيهانة)ن( بس هي ياوي شيهانه
..................... معذور من شافها لو طوح الغتره
لو جيت أوصف حلاها كلها زانه
....................... غديت اعدد من اليومه ليآ بكره
لكن اباقف على ثنتين فتانه
................ سبحان رب)ن( عطاه ورافع)ن( قدره
عنق)ن( ليآ قام يلعب ليل يادانه
............. ومجدل)ن( طاغي)ن( يلعب على خصره
لو ساومة فيه)ن( السلطان سلطانه
.................. جاك يتهادى وبصم له على العشره
ولولا الحياء جيت واطلب منه عنوانه
.............. وامشي وراها من الطايف إليآ الوفره
واقول عمر)ن( بدونك مالها خانه
.................... احكم عليها كما الحجاج فالبصره
والشعر فيها ليآ حظرة سلطانه
................. شاعر ولكن مولود)ن( على الفطره
وشعري وملكي وأنا حرفه وديوانه
...................... ليآ بغيت انشره ولا امتنع نشره

وسلامتكـــــــــــم ..

المصدر: الملتقى الجماهيري للشاعر محمد بن فطيس المري