لهيب الثلج
سلام الله سلاما فيه من بعض العلوم علوم=وبعض احيان يزعلني وبعض احيان يرضيني
يزعلني كلام الشين والتخدير والمسموم=ويرضيني علوم الطيب والمعروف يكفيني
الفهمــــــــــــــــي
هلا يامرحبا ترحيبتاً تجلا سواد اللوم=ونا ماني موصي صاحبي والايوصيني
ولويزعل لهيب الثلج يمكن مايجيني النوم=ومالي بالعرب لاكن أنا ويش بينك وبيني
لهيب الثلج
يدوم الك البقاء ياسعيد والدنيا كثيره اهموم=وشرواك من العربان لو بغرق بينجيني
وهذا اليوم مايعرف من الظالم من المظلوم=حبال الكذب والافساد مايمكن توديني
الفهمــــــــــــــــي
تفلح في لزومك وترك المحدود والمثلوم=ترا الدنيا تقالب في العرب والعز بالديني
يعيش الادمي ويموت مايفرك عن المقسوم=مشت كل الخلايق قبلنا واليوم ماشيني
لهيب الثلج
رجال تمشي العوجا وتبني المذهب المعدوم=وانا ماني من الجهال ولايمكن تخاويني
كبير القوم مايقدر عليه الى صغير القوم=وانا لاشفت منهم رجل اسولف له يسليني
الفهمــــــــــــــــي
أنا ماني ملحم صفها حتى أفصل الملحوم=لونه شافته عيني ترا ماشافته عيني
كبير القوم ماينقض علوماً وضعها محسوم=اذا شاف المصلي ما يشوش بالمصليني
لهيب الثلج
صقور الجو مايمكن تسرح مع طيور البوم=وطير البوم سارح في وسط هذي الميادين
مكان الصقر في العليا والاسفل ينزلون ارخوم=وانا ماني مغفل لوبقوا وقفه ينادوني
الفهمــــــــــــــــــــي
نقول اليوم بعده ليل دام اليل بعده يوم=وذا حكمت عقلك لاتطفف في الموازيني
وذا عينت درب السم لاتقرب من المسموم=تحظر وضرب ارقاب المنافح والمياديني
لهيب الثلج
زمان العلم والاعلام والفاهم على المفهوم=زمان اليوم ياذيبان تخدمني تلاقيني
احد معطى واحد فاضي واحد من دنيته محروم=واحد صاحي واحد ملحوس يسحب في الجواليني
الفهمـــــــــــــــــــي
نفرق ريحة الريحان من ريح البصل والثوم=لون العولمه تخلط عصار الشين بالزيني
ولا نهضم حقوق أصحابنا لوحقنا مهضوم=ولو قنعت وجهك وجه ثاني لاتواتيني
لهيب الثلج
نبى نرسل لهم ضرفا مغلف داخله مختوم=وفيه الفايرس حامي وكثره يالملاييني
ومرسول الرساله مجودينه بالوفاء مخدوم=وقلبي مابرد منهم وعله في عدويني