بسم الله الرحمن الرحيم
السلام عليكم ورحمة الله وبركاته
مسآكمّ جوري ..ّ
اتمنى ان تنال اعجابكم ..ّ
وهي من القديمّ
حـــان الفراق ومـــــوق عيني هماليل
والجــــرح يــــدمي بالظلـــوع الهزايل
شـــــدوا عن المقطان في عتمة الليل
واصبحت نشاد الضعـــــن وين شايل
ماقــــد هجع قلبي وعيـــــني له تخيل
مـــدري على وين الضعن شـــد حايل
تســـــرقني الذكـــرى وشفت التهاويل
والشوق يــــرمع باالحشا حيل عايل
ورد الغــــلا عقـــب الغـــزيل مذابيل
ورياض صدري عقب شوقي محايل
اقضــــي حـــياتي بالسهــر والتعاليل
وقلبـــي حــدنٌـــه مبـــرمات النصايل
مافــــاد بنـــج ولا تفـــيـــد التحاليل
انشهــــد ان الطب زيـــن الخصايل
وجدي على راع الجفون المظاليل
زيـــن الطبوع وزين سود الجدايل
طرفه كحل ورموش عينه محابيل
ولـــه عــــود لاهب النسيم يتمايل
وخــــده مثل بدرٍ فلج حندس الليل
مزيـــون مالـــه بالعــــذارى مثايل
اغلا من الوجدان وابعد من سهيل
وحــــل النصيب ولاتفــيـد الصمايل
ساد العتم والهجــــر طفى القناديل
والــــوقت دوراتــــه تبختـر عجايل
مال الـــزمان وشفــت منه الغرابيل
ومامال حــــبــــه لا ولا هوب زايل
لـــــه منزلٍ ماهــــده الصبر والقيل
شايـــد على طـــول الزمن ماتمايل
والحب ملعون الجدف يتلف الحيل
خلا الحدق ذراف مثل الهطايل
وديّ
