آعزآئي زوآر آلركن ..
آعزآئي زوآر آلركن ..
آعزآئي زوآر آلركن ..

ممآ رآق لي

::

لا ينشغل بالك من الدنيا و اخذ منها العبر =ما نقدر نغير قواعدها ولا موالها
وش فيك تصفق بالكفوف وبالخدود وبالصدر =اطلق حجاجك وانسف بغترتك فوق عقالها
عطني يدك لا يابعد دنياي و آمرني امر =وان قدّر الله شلت عنك من الهموم ثقالها
قم واجلب الرسلان و أركدها على جمر السمر =واذا استوت بقنادها درّج علي فنجالها
واذا اعتدل كيفي عطيتك من تجاريب العمر =درس ٍ درسته من قسى الدنيا وبعض احوالها
الأوله ما يذبح عزوم الرجال الا الفقر =ولا يرفع اشباه الرجال الا كثير اموالها
المال خلا الببغا توكر مواكير الصقر =لكن لا جات اللوازم ما تشوف افعالها
والثاتيه اصبر على ماجاك لو طال الصبر =وارضى بمقسوم ٍ حصل والمقبلات بفالها
والثالثه تكفى تراه اكبر خطا وادهى و امر =ركز معي و أنس الامور الباقيه واشغالها
لا تجرح اللي لك بقلبه حب واخلاص وقدر =ومن زود حبك صد عن كل العرب واقوالها
يمد لك كاس الهنا وتحط في كفه جمر =اشوا لك انك تموت قبل المعرفه واشوا لها
والغايب اللي غاب دامه لا رجع معه العذر =فأرض التسامح والسموحه كلنا نسعا لها
والصدق واجب واحترام الغير في هرج ونظر =احسب مخارج كلمتك قبل تحسب مدخالها
وتشكي المحبه والجفى ... الحمد لله والشكر =هو به حد ٍ ما مس كبده طعنة ٍ بخلالها
اما حزن والا قهر والا وجع والا سهر =اصبر ما دامك جيت سكتها وشفت اهوالها
ترا المحبه حاجتين اما بحر والا نهر =وانت ونصيبك بين حر شموسها وظلالها
بس النهايه مالنا من واقع الدنيا مفر = فتره بسيطه وان تمادينا نعيش اطلالها
اعطي عِبر وانا بحاجة من يلقنّي عِبر =و اعززك وانا عيوني ما وقف همالها

لـ / شآعر آلتميز
محمد بن عبدآلهآدي آلمري