ليت الهواجيس تنساني وبنساها = واعيش في عالم ٍمافيه هوجاسي
مير التماني ما تنفع من تمنّاها = اشفاهنا من عنا الايّام يبّاسي
انغوص بحر الليالي ونتحداها = ونجيب ياقوتها ونجيب الالماسي
وليا ذكرنا ظنون الناس وحكاها = في سالف العمر ياوقتٍ علْي قاسي
حلفت لا ارد على العدّ وعلى ماها = واشرب واناظر يميني شامخٍ راسي
وان شفت بعض العرب تومي بيمناها = ذكّرته العلم لو ماهو له بناسي
الله خلقنا على القمّه ونزهاها = وليا حضرنا ننومس كل نبراسي
ماحن بناسٍ هقاويها تخطّاها = اللي جداها رسوم ٍوسط كرّاسي
حنّا ليا من بغيناها خذيناها = بطيب الاخلاق والّا كتم الانفاسي
والشّاره اللي رميناها وصبناها = كم من شليٍّ عليها كان محتاسي
واليوم عيني على الدره ومبناها = وان قالها الله لا اجيب الدرع والكاسي
والا التّماني ما تنفع غير مرضاها = لا هلّ له دمعتينٍ صابه انعاسي

المصدر: الملتقى الجماهيري للشاعر محمد بن فطيس المري