رد: $& تميز بما شئت ولكن لا تتكبر &$
يا صبااح الامطااار والخيرات على الجميع
اليوم طلعت من البيت الصباح رايح للدوام واحضر عند خوياي وبدينا عملنا اليومي
جاني مكالمه وطلعت برا اكلم الا ويش اشوووف يا جماعه جو جو جو خيالي من زمااااااان عنه
المهم عفت الدواام اليوم دخلت على المسئول قلت يا ابو علي انا ماشي وين يا ولد قلت مااشي
سجل غياب سجل انصراف مبكر سجل الي تبيه ضحك وقال الله معك >> عرف ما فيها هههههههههههه
خذيت العزبه وطلعت من المدينه على ذيك الطعوس الغيم سااحر والهوي منعش
والله وهاضت القريحه ببويتات بسيطه وحبيت اخليكم معي في الصوره
يقول ::
لا يا نسيم الغيم حظك طاب فالك يانسيم
ــــــــــــــــــــــــ كني بك تعانق خدود الزين وتهب شعره
واستقبلك وان شاف نوض البرق قال الله كريم
ـــــــــــــــــــــــ وارخى يدينه لك تطق الجيد وتطق نحره
وانا على المشراف وحدي بين سين وبين جيم
ـــــــــــــــــــــــ بردت جسمي بس في صدري من الشوق سعره
لهيب شوقي جاعل ٍ حالي من اللهفه سقيم
ــــــــــــــــــــــ ما ينطفي لو هل فوقي ساحب النو مطره
ياليت وضعي في مجي الخل مثلك في السليم
ـــــــــــــــــــــــــ اجيه والا اروح ما قالوا تغطي يا مره
عندي من اللوعات والاشواق ما الله به عليم
ــــــــــــــــــــــــــ كن الحشا مصنع نجاره والخفوق المنجره
يا ويش اسوي في بعاد الخل يا قاصد كريم
ـــــــــــــــــــــــــ والغيم غيثه ينثره والعين ماها تنثره
يا جماعه المدونه مدونتكم اللي يبي يشارك يرد ينتقد يقول اي حاجه
البيت بيتكم وثقوا ان كل حرف تضعونه هنا وساام على صدري
|
