خالد=

سافرت من داري على غير مشهاه=ماهوب ودي مير هاذى نصيبـي

اقفيت مجبور ٍ وانا اقـول عـزاه=كان الزمن عنكم نـوى ينتحيبـي

وقت ٍ يحد العبـد لـو ماتحـداه=صلف ٍ عنيد وفي ضروفه عجيبي

كم عارف ٍ غير على دربه اخطاه=يمسي على ظن ٍ ويصبح مخيبـي

مير الغلا في ثومة القلب مربـاه=منساك لين الموت عنك يغديبـي

ياغالي ٍ ممشاي فالحـب ممشـاه=عانق خيالي مع خيالـه رقيبـي

حبه ملك قلبي ولا حـان طريـاه=يسرج غرامه خافقـي وينثنيبـي

هوى الغربي=

رجواي ساعه في حياتـي بلقيـاه=واذوقه صدق الشعـور العجيبـي

منتوج فكر ٍ هيضه زين ذكـراه=وتوارد القيفان حتـى الصعيبـي

واسمعه مـن خافقـي واتـولااه=هذا البعاد اللي نذوقـه عصيبـي

اسـج رجلـي للرجـم واتعـداه=اثر هجوسي في غـلاك تعديبـي

خالد=

ياشف عين اللي يحبك من اقصاه=ليتك تحس بجرح قلب ٍ عطيبي

وهم ٍ تعلق فالمعاليق يصلاه=يسعربه ولافاد طب الطبيبي

ترانيم =

وجفن ٍ من اللوعات محروق وادراه=عيبن عليه دمعتي والنحيبي

من لوعتي ونيت ويلاه ويلاه = ومن ونتي كل المحاني حطيبي

هوى الغربي=

المشكله واشلون سوا سواياه = قدام مراء الشمس قبل المغيبي

عقب لمحته قلت يازين لمحاه = نظرني بنظراته المستهيبي

ثم لف قلبي صاح يازين بالله = تكفى ترفق فوق ربك حسسيبي

وشلون سلهم عينه بخف وازهاه=وشلون رمحه في فؤادي يصيبي

وهو مأمن بين الاضلاع عرواه = ولا يرقبه غير الأله الرقيبي

وشلون يملك قلب في وسط مبناه = ماشفت مثله في حياتي نهيبي

يحط عرشه وسط قلبي ومركاه = ملك ملكني بالجمال العذيبي

ثم اعلن بحبه وانا جيت وياه = معاهده في حبنا ما نعيبي

حبٍ على وضح النقا والمرواه = على سلوم أهل الهوى ما تشيبي

واليوم من عقب الزمن دارت رحاه =ثم حدني عنه عذول وقريبي

أسج رجلي واتجرع من الاآه