سافرت من داري على غير مشهاه=ماهوب ودي مير هاذى نصيبـي
اقفيت مجبور ٍ وانا اقـول عـزاه=كان الزمن عنكم نـوى ينتحيبـي
وقت ٍ يحد العبـد لـو ماتحـداه=صلف ٍ عنيد وفي ضروفه عجيبي
كم عارف ٍ غير على دربه اخطاه=يمسي على ظن ٍ ويصبح مخيبـي
مير الغلا في ثومة القلب مربـاه=منساك لين الموت عنك يغديبـي
ياغالي ٍ ممشاي فالحـب ممشـاه=عانق خيالي مع خيالـه رقيبـي
حبه ملك قلبي ولا حـان طريـاه=يسرج غرامه خافقـي وينثنيبـي
رجواي ساعه في حياتـي بلقيـاه=واذوقه صدق الشعـور العجيبـي
منتوج فكر ٍ هيضه زين ذكـراه=وتوارد القيفان حتـى الصعيبـي
واسمعه مـن خافقـي واتـولااه=هذا البعاد اللي نذوقـه عصيبـي
اسـج رجلـي للرجـم واتعـداه=اثر هجوسي في غـلاك تعديبـي
ياشف عين اللي يحبك من اقصاه=ليتك تحس بجرح قلب ٍ عطيبي
وهم ٍ تعلق فالمعاليق يصلاه=يسعربه ولافاد طب الطبيبي
وجفن ٍ من اللوعات محروق وادراه=