تحت السما زادي وشربي وممساي=وجروح قلبي والكدر والسعاده

وان شفت نجم الليل اناجيه باعضاي=والصوت في حلقي يناجي فواده

وجهي تكشف عن خلاصة نواياي=واسمي جعل مني رئيس وقياده

وان جيت ابا افكر تناقضني اراي=وارتاح يوم ادي لربي العباده

يتبرمج الدم الذي في خلاياي=حتى يكون للمعاني افاده

ما كنه الا نور لامع من احشاي=زود على الo+ اكبر زياده

تمشي معه دنياي في غير ممشاي=واقوم احول نظرته عن مراده

اخاف امد الحبل ويحطم قواي=والا يجيب اشيا تنافي رشاده

لا ضقت ياتيني بانسي وسلواي=وان كنت مستانس يبين عناده

ما بين هم وبين ترتيب ذكراي=خلا من حروف الهجا لي وساده

غنيت مواله على صوت بلواي=ما فيه هم بداخلي غير صاده

تصميم تخطيطه بكفي وبنشاي=هندست قيفانه بطفش الرياده

ياتي على بالي وتتزاحم اهواي=واتي على باله ويعلن كساده

سلعه معي تتبع رواحي وانا جاي=غطت على التفكير- حلت هجاده

واليوم لولا وقفته جات وياي=ماحد عرف ناصر وجهلو بلاده

ولولاي شاهر به على كل حكاي=ما كان صامد في طريقه جلاده

يعني انا وياه نتقاسم الراي=ويصير كيفي يوم انا اغدي قناده

مجموع تحليل المشاعر غدا فاي=يوم انه اصبح في خلاياي عاده

المصدر: الملتقى الجماهيري للشاعر محمد بن فطيس المري