سعودي كام شات حبي شات صوتي شات غزل شات بنت ابوي شات غرور كام شات سعودي كام صيف كام شات دقات قلبي
الملتقى الجماهيري للشاعر محمد بن فطيس المري - عرض مشاركة واحدة - اللي مايعرف الصقر ...............>يشويه
عرض مشاركة واحدة
#1  
قديم 01-10-2012, 11:10 AM
فيني شقاوة الأطفال
فيني شقاوة الأطفال غير متواجد حالياً
Saudi Arabia     Female
SMS ~
الصمت ...
...عن بعض التفاااهات ..
..........هيبه.......
لوني المفضل Crimson
 رقم العضوية : 6123
 تاريخ التسجيل : Oct 2011
 فترة الأقامة : 4621 يوم
 المشاركات : 726 [ + ]
 التقييم : 99
 معدل التقييم : فيني شقاوة الأطفال will become famous soon enough
بيانات اضافيه [ + ]
مزاجي:
Unhappy اللي مايعرف الصقر ...............>يشويه



بسم الله الرحمن الرحيم..
السلام عليكم ورحمة الله وبركاته ..

{مدخل} ..
قصه المثل ..

اللي مايعرف الصقر ...............>يشويه
.


كان هناك رجل عنده صقر ثمين جدا وكان يغليه أكثر من عياله

لأنه مصدر أكلهم بعد الله , فخرج ذات يوم وكان الجو غير صافٍ
فهد الطير على جول من الحباري , فغاب [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل] عنه وأخذ
طول الوقت يصيح ويلوح فوق كل مرقاب
وبعد صلاة العصر بعد ماتعب وهلك ، رأى راعي إبل بالقرب منه
فذهب له

وعندما وصل إليه ، وجده قد شب ناره


فسلم عليه وسأله عن الصقر، فقال الراعي :

" والله ماعرف طيرك ولكن جاء هنيا طيرين وطاحن تحت هالشجره
وقامن يتفارسن وقربت منها وضربتها بالعصا وعانها فالنار اصبر شوي وناكلها كلنا . "

قام الرجال وحرث النار واذا هو طيره ومعه الحبارى , ثم صاح على الراعي قائلا :

" أبك هذا صقر يامهبول هذا طيري . "

قال الراعي : " مافيه فرق حبارى صقر كلها واحد . "

ندم الرجال ولكن لايفيد الندم ثم أطلق كلمته المشهوره :
( اللي مايعرف الصقر يشويه ) .



وهذا صقار 2012 ..




أمحق صقار دامه جوعان ليه تسوي فيه كذا تستاهل ماجاك ..



أما هذا ..أنا بذبحه ...اللي مايعرف الصقر ...............>يشويه




قال عصفور شرير ..



_وهذا غير جلسات وناسه ..رقص وأغاني وحاطين الصقور بينهم ..


هذي أكبر أهانه له ..
















مخرج{..
اللي مايعرف الصقر ...............>يشويه
هناك أشخاص بحبونه ويقدرون الصقر ..

هذي قصيدة جزلة وجميلة للشاعر الكبير عبد الله بن عون

ياطير عقبي كـن خاطـرك شايـن
خاطرك شين وغيبتي عنك يوميـن
النقـص فيـك مبيّـن لـه بوايـن
في لمعة الريشه وفي ناظر العيـن
ياطيـر انـا ويّـاك كنـا خـدايـن
وبيني وبينك ولف ومعامـل ٍ زيـن
يوم انتخاوى مع وجيـه الضعايـن
ونهمل سبوقك في مناكب خسيريـن
وألا شمـال الهضبتيـن القـرايـن
شرقي طلال ومن سواحيق ويميـن
وألا عطيـنـا سـكـة التابـلايـن
ولا قد عطيناهـا عليهـا حراذيـن
نصبح على طارات شهب المكايـن
بـيـن العراقيـيـن والاردنيـيـن
في خايعن بـه كـن عينـي تعايـن
ربد الحباري به على اربع وثنتيـن
ونأخـذ لنـا ايـام بذيـك الدفايـن
مابين برقـع والغـدف والبسيتيـن
ونكسر على ماينحدر مـن ضوايـن
ونأخذ هناك اسبـوع والا سبوعيـن
وننكف نشاط وسالميـن الصخايـن
ولو كان نتعب عندنـا مستريحيـن
قـدّام يطلـع للصـقـاره زبـايـن
ناس تحوش القوبعه بـام روحيـن
ليـا روحـو بمشحنـات الخزايـن
مافـي نحاهـم ذوقـوه الامـريـن
واليـوم مابينـي وبينـك مـدايـن
انا سعودي وانت جاين من الصيـن
وان مالقينـا للحـبـاري عـوايـن
ولا توادعـنـا وداع المحـبـيـن
الوقـت ماتاليـه معـنـا بـزايـن
والبر في حادور من حيـن لاحيـن
ادنـاه ملـيـان كراتـيـن فـايـن
واقصاه ضاق وضيقوا به هل الضين
وضاقت مناهـج طيبيـن الضغايـن
اللي على المقناص بالطير ضاريـن
واليوم كان اللـي يحاكيـك مايـن
هذي سبوقك وانتهـض بالجناحيـن
وهاجر مهاجر مبحـرات السفايـن
للصين والا اهبط على ضلع قزوين
لو كـان عنـدي مافراقـك بهايـن
حنا عـزاز ولا نهيـن العزيزيـن
خلك تـروح ولا تشـوف الغبايـن
شاملك عفوِِ مثل عفـو المساجيـن
!



أتمنى أني موضوعي أعجبكم ..لانه من مجهودي

أختكم ..::

شقيه ..

اللي مايعرف الصقر ...............>يشويه







 توقيع : فيني شقاوة الأطفال



[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

رد مع اقتباس
 
1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69