مدخل:
صوتك يبث الروح ياملهم الروح
صوتك ياحبي صار شربي وقوتي
منه الوفا والود والوصل بتفوح
ومنه الغلا مشلح والاعذار كوتي
صوتك يادنيا رايد يداوي جروح
الي بدونك يمكن تجيب موتي
قصيدة جديدة يارب تحوز على رضاكم
بعنوان (ياصاحبي لاتكابر )
صوتي تعلىّ في جميع المنابر
ايه اعشقك ياروح روحي من العام
منت بحياتي شخص آفل وعابر
انته دوى للقلب لاكان منضام
لو كان قلبك حطني فالمقابر
واقفى وهو دافن فؤادي بالاوهام
تعشق هذاك الي يبيعك وخابر
انه على درب الجفا طاح ماقام
وتجيب ذكره والخطأ منك كابر
وسط الخفوق الي يحبك فالاسلام
الى متى تخطي وانا اكون صابر؟
والى متى قلبك على الحب ظلاّم؟
ماتشوف قلبك فالصواديف شابر!
ماتشوف قلبك صار فالحب منلام!
كـسرتني والكـسر ماهوب جابر
ياكود تسمع بيت واحد.. ترا هام
(بتبيعني؟ ياصاحبي لاتكابر
ماتقدر تجافي لو انه بالاحلام)
وسلامتكم
نقدكم وتقييمكم اذا راقت لكم
اتمنى اني قدمت شي يرضيكم
رائد
مخرج
لاتبخل بصوتك ترا منت مسموح
وانا اتحداك لوصالي تشوتي
بتروح هيّا روح! .. ماتقدر تروح؟
انا اعرفك عاشق لنبرات صوتي