سبحان من معطيك زين(ن) وقوة
عذبت قلب الي يحبك ويهواك
مغليك لامن قابلك زان جوة
وفي غيبتك ميت ولا يذكر سواك
في طلته كن الصبح شع نوة
ام العيون السود ياجعلني فداك
الغنج والرقة معاها فتوة
ماتجتمع لكنها ماتعداك
وردوفها تبري القليب المشوة
والصدر ياما راح منا ومناك
انا اشهد ان شوفت حلاها يتوة
سبحان رب(ن) عالي الشان سواك
حبيبتي فيها دلع مع جروة
ويلي على ضمتك يازين لاماك
انسى الاوادم عند حضرة سموة
وافتح لها قليبي وانا قول حياك
لوة يحس بشوق قلبي ولوة
يمكن يقدر هالمحبة ويرعاك
عاذره دام انه صغير(ن) وتوة
واليا كبر ياقلب والله ماينساك
