يا محمد بن فطيس وين الشعر وين الشواعير =ما عدت اشوف اليوم شاعر يغطي في مكاني
قد كنت اظن الشعر في موقعك يا صاحبي غير=واثار ما به غير ناصر سرج ظهر الحصاني
قمنا نسوي للنشاما على ماشفت تطوير=والله حفظني يا محمد وربي من حماني
وش عاد لو به جمهره يا عرب والات تصوير=ما غير ستر الله عليكم ومظهركم كفاني
ما جيت اسوي للمعاني معى اهل الشعر تبرير=لكن موالي على ما طراله قد خذاني
بعض المعاني قاسيه مثل صكات البواتير=تقطع نبا وتسد فاللازم وتحمي العواني
ما اقول انا للقاف قايد ولاني سالم الزير=ما غير شفت الشعر يبكي واشوف انه نخاني
وانا وقفت اليوم وقفه توردني على البير=وقفت بطل صامل وبا ارمي عليها من رماني
بعض الحكي يحتاج له وقفه ويحتاج تفسير=والبعض الاخر ما يفسره حتى الترجماني
ما ميزو بان الجمل هي وسيلة كل تعبير=والسهل منها ما يروق المشجٌع والهداني
لكن في ذا اليوم صبحتكم بالشر والخير=ما دامني شاعر فابا اقول صح الله لساني
اشوف بعض الناس شاعر وفي قافيه تكسير=والبعض الاخر يا عرب كنه سهيل اليماني
مما جذبني لين سويت فالميدان تفجير=تفجير شامل ما سلم غير شعار المعاني
واليوم يا ابن فطيس شفت الشعر جر البواكير=قال الزمن عاصي والابداع يا ناصر عصاني
قلت ابشر بعزك وانا لك علي لا ابث تذكير=ما دام نومي من عنا كيتك ما زد لفاني
والختم ما عندي قضيه ولا عندي دنانير=لجل اغدي مشهور والحظ باسبابه جفاني
