يالادمي عقب التهاون بتنظر=ابليس لا طاوعت لبليس ضرك
ابليس لايغريك ثم فيه تنغر=تراه ماينفعك والله يضرك
الله بكتبه من مغازيه حذر=يوريك زين الذنب عقبه يغرك
وثق حبالك باللذي فيه تنسر=وتشوف منه كل شين يسرك
اد الفرايض كلها لا توخر=واترك رفيقن للمهالك يجرك
وزلاتك اللي روحت لاتكرر=وعن خلق ربك يافتى كف شرك
ولوالدينك يافتى لاتنهر=برك لهم يجعل عيالك تبرك
ونفسك ليا قامت على الشر تامر=خالف هواها بكل شين يضرك
واحذر ترى الشيطان ينهى ويامر=لاصار حبلك بالولي مايسرك
فكر بمخراجك قبل لاتدهور=وشيطان نفسك للمعاصي يفرك
ابليس غواي النفوس يتحير=لاصرت متسلح بجوك وبرك
ايضا تواضع لا يجيك التكبر=لاتغرك النظرات ميز صورك
راجع بتكوينك وفيها تبصر=واذكر عذاب اضعاف ماجاك حرك
لو عشت بالدنيا وقالو معمر=اعرف ترى قبرك نهاية مقرك
النفس حصنها وهلل وكبر=وادع الولي وابليس لايستقرك
خلك عزيزن لو على الدم الاحمر=منته ذلول ابليس دايم يكرك
هذي نصيحه ويمكن اني مقصر=نبذه صيغيره تنفعك ماتضرك
اعطيك نبذه يافتى لاتذمر=اعطيك من ما اعطيت شين يمرك
ان ماتقيت بكلامي تدمر=وان كان له سويت لله درك