( " وقفـه مع النفس " اضعهآ بين أيديكم )
مرّ عشر اعوام والعمر تطويه السنين * والحظيظ اللي ليآ مآت مآ مامت اعمله
والعرب ضيّاق وانفوسهآ قامت تشين * صارت إمن ادنى طرف علم تعمل مشكله
حظك اليآ من صفآ لك يوكّل لك السمين * وإن تردّى معك ياصاح صعب اتعدّله
والفتى مآيعتبر لين يندآله جــــــبين * والمحِن مقياس لـ إيمآنك اللي تحمله
كم مؤمن لابلاه الله بشيً يلين * صارت الدنيآ بعينه ماتسوى ســنـبله !
وكم مؤمن لا ابتلا قال :- ياربي تعين * مسلمً يرجي عسى رحمة الله تشمله
بشـّره بالصبر والظفر بالأجر الثمين * بلوته تكفير لـ اذنوب يمكن تجهله
زينة الدنيا هي المال مع شوف البنين * لاتهمّل نصف دينك وحاول تكمله
وكل رزقً يوصلك خلك لربك مدين * والتصدّق لـ أحوج الناس ربّك يقبله
وبرّ فـ امك ، والدموع احذر احذر لاتبين * لارضيت امك ترا الجنه اقرب منزله
ولاتنآسى ابوك ياصاحبي خلك حنين * لو تبيهآ برّ ، والا تبيهآ مرجله
واترك اصحآب التياسر وخلك فاليمين * لاتخاوي مذنبً فوق ظهرك تجدله
المواقف ماتبي غير رجال ً فطين * والضعيّف لاتضاعف تجيه وتهبله
يالله اني طالبن رحمتك دنيا ودين * جعل فا اللي مقبلً خير يالله تجعله
ارحم اللي ماطلب غير عفوك يامتين * يامليك الكون ماغيرك اللي نسأله
هلابك يا وليد هلا بالاستاذ الكبير والله نص جميل وفيه من النصائح الشي الكثير .. التميز صفه قليل من يحظى بها وانت دايم متميز باخلاقك وبشعرك ..
صح الله السانك وعن نفسي للامانه انا من متابعين لشعرك ومن المتذوقين له اتمنى لك كل التوفيق
تقبل مروري يا القرم وحماك الله
