رد: حيــاك عطنـا علومــــك
علومي بديت اطفش من الحياة
وين ماروح طفش
اقعد بالبيت امي ماتخليني اقعد فاضي
ألف سمنبوسه ولا أسوي سلطه ولا أشطف وأنشف بالصحون
واذا نقص غرض اروح اجيبه من السوق وتعال شوف الزحمه
وقبل الفطور اطلع بالشارع عشان اتسمع الاذان
البارح دعسني واحد الا شحطه انا بالشارع اتسمع الاذان وهو جاي طاير يبي يلحق الفطور
وتذكرت قول الشاعر ( فطّره بالكون قدّام الفطور .. وعلّمه كيف المعارك باختصار )
المهم نرجع لموضوع الطفش
بعد صلاة التراويح قلت ازور واحد من الجماعه وأطيّر طفش عنده
لما وصلت الباب لقيته راكب السياره هو والعائله الكريمه
شكله رايح السوق ولما شافني طفى السيارة وقال لاهله حولوا
المهم قلت لالا انا ماشي ماله لزوم قال حنا تونا اللي جايين من السوق ( يكذب ) اقلط
المهم اعتذرت ومشيت ويوم حركت من عنده وطالعت العداد الا الطفش فل
وللحديث بقية
|
