إي والله إني بعدكم ضايق وثاير=وشلون يهنا خفوقٍ عايش بحيره
صحيح عايش ولكن عيشت الحاير=أللي يراجع وش أخطا مع مساييره
يدعيني الليل وامشي بالخلا ساير=واقطع مع الهاجس ديار(ن) مهي ديره
أمشي واسج القدم والحال في غاير=فبحور حزنٍ مداها يألله الخيره
أحاكي النفس وأسألها وش الصاير=ليه الحزن ليه طالت بي مشاويره
ملت أصارع وجابه وقت الجاير=وأخفي أليا بان في وجهي تعابيره
ياعين مالوم لو دمعك غدى فاير=رسمتي الحلم وعشتي في تصاويره
خيالكي في مدى آآمالكي داير=تهتي ورا أحلام صرتي منها أسيره
والوصل أشوفه غدا من يمكم باير=ليتك تشوف الغلا وشلون تأثيره
إي والله إني بعدكم يالغلا ثاير=أصبح مع الهم وأمسي عايش بغيره

/
/
علي العطوي

المصدر: الملتقى الجماهيري للشاعر محمد بن فطيس المري