الملتقى الجماهيري للشاعر محمد بن فطيس المري - عرض مشاركة واحدة

الاوسمة · 07-31-2011, 03:40 AM

--------
اليوم في بالي احكي شوي .. مالي في المشاعر والاحاسيس تعبت منها

طبعاً غداً اهو المكمل لشعبان . يعني رمضان يوم الاثنين . كما كنت متوقع

رمضان هذي السنه غير عن رمضان كل سنه

اولاً هذي السنه الاولى الي نفطر والوالد مو موجد معنا على السفره .
ثانياً المسجد الي نصلي فيه الفروض تم ترميمه قبل رمضان واليوم خلص . يعني اول صلاه فيه تبي تكون صلاة الفجر الاول من رمضان . يوم الاثنين .
ثالثاً احس ذا السنه بيكون حر بالمره والصيام فيه تعب شوي . غير عن العام .
رابعاً السنه هذي خليت دوامي صباحي في رمضان . وهذي اول سنه اداوم الصبح في رمضان .
خامساً السنه هذي اكيد زي العام بتكون التراويح . في جامع القاضي . مو بعيد ولاهو قريب عن البيت . ولكن يلزم نروح له بالسياره . احلى مافي ذا الجامع الاجواء الي تكون فيه . صوت الامام جميل . والناس كثيره . وغير كذا كل العالم جايبين اهاليهم وهذا شعور جميل .

طبعاً فيه شي مميز في كل سنه في رمضان . واهي جارتنا ام يوسف .. هذي السنه نبي نصوم من دونها . ربي يرحمها ويتغمدها برحمته بصراحه كل الحاره تفتقدها في ذا الشهر . وبالاخص العمال ..!

اخيرا
بقولكم موقف صار اليوم واحنا نتقضى لرمضان
ً من الاشياء الغريبه عندنا على جلسة الافطار . ان البيت كلهم يحبوون الفيمتو بس . ولا واحد يحب تانج والا غيره من المشروبات .. الا الوالده الله يطول بعمرها .. والطريف في الموضوع اليوم . لمن رحت اقضي لرمضان .. شرينا كل شي الا التانج . محد يحبه ولا احد يبيه . واهي كانت معنا . وكانت تقول نبي تانج . وخواتي يقوولون يمه محد يشربه .. لكن لمن حاسبنا اعطونا علبة تانج مجاناً .. اكثر واحد استانس الوالده
ههههههههه .. ما كان احد ناوي يشتري لها اصلاً .. بس سبحان الله جات صدفه .