آمنت بأن كل أجتماع يتبعه سم الفرآق



......................................... وأن الزمن ماهو بدايم للحزين وللسعيد



وأيقنت بأن العصر هذا عصر تظليل ونفآق



........................................ واللي يقول الصدق ما ظني يفيد ويستفيد



ياقلبي الي ذآب من كثر الحزن والاحتراق



........................................ وتوقفت منه الشرايين القريبه والوريد



ومن كثر ما بينه وبين العقل فُرقه وانشقآق



....................................... قلبي يقول انها معي والعقل قال انها بعيد



أيلين جاني من مكاني ضيق صدر وأختنآق



....................................... أسأعد انفآسي بكفي وأفتح زراري بأييد



ودمعة عيوني فالمحاجر ناشبه ولها برآق



........................................ أحاول اخفيها ولكن باسها باسٍ شديد



ياصاحبي ما هو بلآيق لك تحب ألاختلاق



...................................... لمست فيك الصدق والاخلاق والفكر والفريد



قد قلت لك كب الشكوك الواهيه وألانسيآق



...................................... ورى الهروج الكآذبه ايلين يا تيك الاكييد



بس انتبه في خط سيرك من مغبة الانزلآق



...................................... في بحر عشاق المواجع وانت مجدآفك جريد



وعطني قبل لا تعزم الفرقى نظر عين وعنآق



...................................... أضم صدرك واتنهت فيه واكرر و أعيد



لعلي أصبر واتحمل شي ما يمكن يطآق



...................................... والا لعله ينكتب لي عقبكم عمرٍ جديد



ياللي تقول ان الونآسه فالهوى ,,, حتى الفرآق



...................................... بس أستفد من ثانيتها دآم تقدر تستفيد