الشعر هم وصاحب الشعر مهموم = أقولها حكمة ولا هي لقافة
أقولها دايم مهو بأمس واليوم = بيني وبين لحون شعري وقافة
واليوم بأعلنها وبأستحمل اللّوم = من شاعرٍ توّه ما ذاق الحسافة
الشاعر اللّي همّه يسجّل ألبوم = يمّا سمان الهرج والّا ضعافه
الشعر عنده لعب ومزوح وحلوم = وألّا حروفٍ تنكتب في صحافة
مآ هو بمن دنيا الغرابيل مظيوم = والهم مآ عمره مع الوقت شافه
يآهيه يا طير عجل شفّه الحوم = قبل المطير أحسب حساب المسافه
لآ تكلّف العربان وتشرّه القوم = كلٍّ عرف وش مقدمه من خلافه
أحدٍ جفى وأحدٍ نظر نظرة الشوم = والبيت ما كلٍّ سعى به وطافه
بحرك عميق وعادك بحاجة العوم = وتقول أنا الغطّاس وأنته تخافه
إن كان ما الشعر أحرمك لذّة النوم = وألّا يآ شين الفلسفة والكلافة

صح لسانك

في ذمتي نص وافي

تطرقت بالقصيدة لفئة معروفة لدى الشعراء

الله لايجعلنا منهم
ياشين الفلسفة والا قافة ,,,

المشاركة الأصلية كتبت بواسطة رائد العصيمي (المشاركة 171933) صح لسانك في ذمتي نص وافي تطرقت بالقصيدة لفئة معروفة لدى الشعراء الله لايجعلنا منهم

المشاركة الأصلية كتبت بواسطة علمتني الحياه (المشاركة 171940) صح لسانك اخي فهد ابدعت لاعدمنا ابداعك صحيح ياشين الفلسفه والكلافه كلام جميل اشكرك عليه ننتظر ابداعك القادم تقبل مروري