انكشفت الاوراق
بسم الله الرحمن الرحيم
السلام عليكم اقدم لكم هالمشاركه المتواضعه امل تجدون بين احرفها مايستحق الذكروسامحوني على القصور ياوجودي يوم بان الشقاء بي مادريت/عشقة لاعادهالله على عشاقها من نشدني قلت سجيت عنها وانتهيت/غيمة قفت ولا شاقني براقها احسب اني لاقطعت الرجا منها سليت/ولا ذبحني حبها لين ذقت افراقها مابريت اكذب عليكم تراني مابريت/علتي بين المعاليق تحت رواقها ليتني خفيت قصة غرامي ماشكيت/لو اموت وقصتي ماكشفت اوراقها تايه من بعدها وين رحت وين جيت /ضاقت الدنيا بعيني بكبر افاقها رحت ادور مثلها بالبنات ولا لقيت/اشهد انه ماخلق مثلها خلاقها لو بغيت اوصف حلاها بديت ولا نتهيت/بالجمال ومستواها وحسن اخلاقها ياوجودي كلما قربت حزة مبيت/لين تشرق شمس الاصباح وقت اشرقها وسلامة الجميع |
رد: انكشفت الاوراق
رحت ادور مثلها بالبنات ولا لقيت/اشهد انه ماخلق مثلها خلاقها
الله عليك .،. صح لسآآنك يالشآعر .،. وبيض الله ويهك .،. للآمآم دوم .،. تحيآآتي |
رد: انكشفت الاوراق
لله درك ياسعيد ..
كلمات وابيات من قصيدك اوقفتني كثيراً هذي القصيده اكسيتها جمالاً من اول حرف لأخر حرف .. صح لسانك يابو محمد والى الامام دمت بتألق ض29 |
رد: انكشفت الاوراق
صح لسانك الله يوفقك
|
رد: انكشفت الاوراق
صح لسانك ياقرم
مبدع ونصوصك جميلة جدآ اهنيك |
رد: انكشفت الاوراق
اقتباس:
وجهك ابيض الف شكر على المرور والكلام الطيب لاهنت |
رد: انكشفت الاوراق
اقتباس:
والابداع لا يكتمل الا بحضورك العطر الف شكر على المرور والكلام الطيب لاهنت |
رد: انكشفت الاوراق
اقتباس:
مشكور على المرور والكلام الطيب |
رد: انكشفت الاوراق
اقتباس:
يامرحبا اخي احمد جمل الله حالك تشرفت بمرورك العطر وياهلابيك |
رد: انكشفت الاوراق
ابو محمد انا اشهد ان القصيده ذي تحفه
في متحف المنتدا تبروز صح لسانك والله لا يهينك على الابداع الجميل تقبل تحياتي وخالص تقديري |
الساعة الآن 11:07 PM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010