|
مرثيه في سلطان الخير
.. الله يرحمك ياسلطان الخير .. وش بقى لي من ملذات الحياه=وش بقى غير التعاسه والشقى الحزن حول على القلب وكلاه=والدموع امست مع الخد اصدقا راح سلطان وبرق فينا نباه=غادر الدنيا ولله البقى يالله اللي لجلك تلين الجباه=تجعل اعماله من جهنم وقا كم يتيمه مالقت قيمة عباه=قام يسترها اّبشتٍ من نقا كم فقيرن مالقى شربة ضماه=مد له سلطان كفه واستقى الطفل والشيخ واللي في عماه=والارامل خصص لهم ملتقى ثلث شعب المملكه حقق مناه=من عطايا خير سلطان ارتقى ياولي العهد جعلك في وزاه=من عطى ياسيدي خيرٍ لقى يالله انك ترحمه بعد الوفاه=الاوادم رايحه والك البقى |
رد: مرثيه في سلطان الخير
اميــــــــــــــــــــــــــر
قسم بالله تجنن القصيدهـ مرررررررهـ مرررررررهـ عجبتني إبدااااااااااااع صراحة الله يحفظك يارب |
رد: مرثيه في سلطان الخير
تسلم يمينك أخوي أمير الشريف على هـت القصيدة الجزلة والمعبرة
والله لايهبنك ودي |
رد: مرثيه في سلطان الخير
الله يرحم الامير سلطان وجعل مثواه الجنه
صح السانك ننتظر جديدك بشوق يالشريف :) |
رد: مرثيه في سلطان الخير
ابو حسين ارحب مع اني ضيف على الجميع
ها انا اصافح قصائدك بعد غياب طويل صح السانك كما عهدك شاعر عذب ولا ياتي الا بكل جميل رحمك الله يا سلطان الخير والله لايهينك يا امير |
رد: مرثيه في سلطان الخير
امير الشريف
الله الله عليك وصح الله السانك قصيده بقمه الجمال ومو غريب عليك الابداع ياالمبدع ودي وتقديري |
رد: مرثيه في سلطان الخير
رحم الله سلطان ...
وصح الله لساااانك مدد ... وبيض الله وجهك ... ولاهنت . |
رد: مرثيه في سلطان الخير
امير الشريف
تغيب وتطول الغيبه وترجع تجدد عهدنا فيك صح لسانك يالجزل شاعر كبير ولا يشق له غبار |
| الساعة الآن 09:55 PM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
