على نوض براق الحبايب سرت الاقدام = تحث المشي و انا تخاملت ممشاها
تحسب المسافه مارقه و المطر قدام = و انا عارف ان البعد عنوان مسراها
تلبي هواء قلبي و قلبي غدا عزام = لما شاف ديره قال يازين مرعاها
عذلته يهون لا يولي وراء لوهام = و كنه تضايق قال ما اعيش لو لاها
يحسب الثواني بعد فرقا الوليف اعوام = و ضاعت علينا حسبته كيف نلقاها
يسطر لي حروف و حكايا بدون ارقام = و انا يشهد الله ما فهمت ايش معناها
تضايقت منه قلت هذا جنون احلام = و بعض السوالف كيف نجمع و نحصاها
يزور اليمن و الهند و يرد صوب الشام = ولا به ديار الا و رجلي توطاها
ذبحني و لاح الشيب فيني مع ليام = و توطيت نار العشق واعرف مناياها
يقول الصبر و العلم في صفحت الرسام = و لا عاد به غير السماء ما بعد جاها
و انا خايف يسوي كما الزير في همام = و ينسى السنين اللي مضت لأجل مرضاها
و يضحك بي الشامت و تظبط مع اللوام = لما طحت يتهنى مرابيع مبناها
و انا شاعرن ما أتحمل الناقد الهدام = لما قام يترصد على نفسي اخطاها
شربت المراجل عاد عمري حوالي عام = ورقيت الطويله قبل ما الذيب يرقاها
تعلمت من كثر الخطا حكمت العلام = وكسبت الرجال اللي على العز مبداها
صحيح الزمن قاسي وحظ الفتى ما قام = و لكن حيات العبد لا بد يهناها

المشاركة الأصلية كتبت بواسطة سالم ال دواخ (المشاركة 151299) أرحب ياحسين وصح لسانك على ماسبق من جزالة وعلى حضور الابداع في حضورك تحياتي

المشاركة الأصلية كتبت بواسطة الصقرالجارح (المشاركة 151302) حسين كرعل الوايلي الله الله عليك وصح الله السانك قصيده رائعه كروعتك ودي وتقديري

المشاركة الأصلية كتبت بواسطة ملك الظلام (المشاركة 151315) عز الله الوايلي والنعم فيك...أخوي صح لسانك دررر تحياتي لك