|
بعض الحب قتاااالي
السلام عليكم ورحمة الله وبركاته صباحكم ومساكم عطر وعود احبابي لتجديد التواصل معكم هذه المتواضعه وعسى ان تنال اعجاابكم صباح الخير ياللي للغلا معنى وشكل وساس ـــــــــــــــــــــــــــ صباح ٍ ما يليق الا بوجه الصاحب الغالي ومساء الخير يا أغلا من غلا الدنيا ذهب وألماس ـــــــــــــــــــــــــ تغيب وتشرق الشمس وتفاصيلك على بالي مكانك في عيوني يالغلا من دون كل الناس ـــــــــــــــــــــــــــ يا خيرة ما عرفته من لوادم اول وتالي يحن القلب من دافع غرام وصادق الاحساس ـــــــــــــــــــــــــــ وتهيأ كل شي ٍ كون وصلك ما تهيأ لي لكن من زود حبك ما انثنيت ولا طويت اليااس ــــــــــــــــــــــــــ عزومي بالمواصل كل يوم تقّوي أمالي دموع الشوق تفضح والعواذل عرقها دساس ـــــــــــــــــــــــ وانا ما همني الا حسرتي قدام عذالي اذا اخفيت الدموع من العرب ما يختفي الهوجااس ــــــــــــــــــــ يشوفون الخلل في عيني القشرا وفي حالي يقولون الهروج اللي على قلبي كما المواس ـــــــــــــــــــــ وانا لولا غلاتك ما تحمل كل الاقوالي ترا مشكلتي ان قلبي من اللي صابني حسّاس ــــــــــــــــــــــ وحاولت أتظاهر بالوناسه بس ما جالي احبك حب ما يمحى ولا ينقص ولا ينقااس ـــــــــــــــــــــ على قول المثل يا هيه بعض الحب قتالي وسلامتكم |
رد: بعض الحب قتاااالي
وعليكم السلام ورحمة الله وبركاته ترا مشكلتي ان قلبي من اللي صابني حسّاس ــــــــــــــــــــــ وحاولت أتظاهر بالوناسه بس ما جالي احبك حب ما يمحى ولا ينقص ولا ينقااس ـــــــــــــــــــــ على قول المثل يا هيه بعض الحب قتالي انشهد صح لسانك حتى الرضى واعتلى شانك يعطيك العافيه ي القرم على الآبيات الرائعه لاهنت ودام قلبك تقبل مروري |
رد: بعض الحب قتاااالي
احبك حب ما يمحى ولا ينقص ولا ينقااس ـــــــــــــــــــــ على قول المثل يا هيه بعض الحب قتالي انشهد .. مثل محبتي لك يامحمد ولقصيدك .. اللي اضما له بين حين وحين صح لسانك يالقرم والله يطول بعمرك على هالشامخه .. بكل امانه في متصفحك اجد ما يليق لاحرمك الله التألق والله لايضرك تقبل ودي وتقديري اخوك ابو مشاري |
رد: بعض الحب قتاااالي
اقتباس:
^ ^ ض11,,,ارفق علينا يرحم الله والديك . |
رد: بعض الحب قتاااالي
اذا اخفيت الدموع من العرب ما يختفي الهوجااس ــــــــــــــــــــ يشوفون الخلل في عيني القشرا وفي حالي لله دركـ ي مروض القيفان ، عز الله ان قصائدك كلها تروق لي ، صح الله لسانك لين ترضى ، مبدع مبدع يّ ابو حميد ، لكـ اطلق تقييم و لا تحرمنا هالجزاله ، |
رد: بعض الحب قتاااالي
محمد المري للشعر في حضورك هيبة الملوك
صح لسانك والله لا يهينك على هذا الابداع ومن احسن الى احسن طال عمرك تقبل تحياتي وخالص تقديري |
رد: بعض الحب قتاااالي
ارحب يامحمد
قرم وقصيدك كله يعجبني ويروق لي مااقدر اقول الا صح لسانك مليون ولاتكفي |
رد: بعض الحب قتاااالي
صح السانك وعتلا شانك
نص رائع جدا راق لي كما هوه ايضاً راق للجميع ننتظر جديدك بكل شغف دمت بكل خير |
رد: بعض الحب قتاااالي
الله الله ياذيب
نص راقي ومتناسق راق لي كثيرا كعادتك ما ما تجيب الا السمين لا هنت |
رد: بعض الحب قتاااالي
مافيك حيله يامحمد صح لسانك ملايين ولا يسدون
|
| الساعة الآن 06:02 PM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
