الملتقى الجماهيري للشاعر محمد بن فطيس المري - ماعلى هالارض ارض مثل أرضي ▌▌

- ساحة القصائد والقصة والخواطر المنقولة (http://www.m-f6es.com/vb/forumdisplay.php?f=17)

- - ماعلى هالارض ارض مثل أرضي ▌▌ (http://www.m-f6es.com/vb/showthread.php?t=8165)

ماعلى هالارض ارض مثل أرضي ▌▌

اهديكم هالقصيده بمنآسبه قرب اليوم الوطني
وهي من آجمل القصآئد التي كتبهآ البدر في
حب الوطن
وكل عآم ووطنآ بخير مقدمآً
والله يطول بعمر أبومتعب

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

انا من هالأرض أمي الصحراء

أحضنتني رمالها
و أرتويت بطهرها و أطعمتني تمرها
و فرشت لي ظلالها
انا من هالأرض اللي مال عيالها
غيرها أرض

عاشق(ن) هالرمل من خلقني الله
لين أموت
عاشق(ن) جرد الروابي
و الفيافي و الخبوت
عاشق(ن) طين البيوت
وفتلة خيوط الوبر
عاشق(ن) مافي البشوت
من عطا وطيب وفخر

حبيبتي ما أجملك
العشق لك والمجد لك
يكفي القصايد فخر لو توصلك
أمد لك زهرة خزامى
و أمد لك غيمة تهامى
و فنجال من كف النشامى
يا مجدّله شعرك نفود
و عالي جبينك هالنجود
وقلبك هضاب(ن) بينها
أطهر مكان(ن) في الوجود

قالوا : البيت الحرام
قلت : ارضي................
قالوا : الشرع الامام
قلت : ارضي..................
قالوا : الحب السلام
قلت : ارضي.................

قالوا : في مدحك نزود
قلت : يفداها الحسود
ما على هالارض ارض(ن) مثل أرضي

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]