ضاعت العشرة واللي بيننا راح=وأنتهى كل شي وأنا كلي جروح
طارت الأحلام وأخفتها الرياح=ومستحيل يكون كل هذا مزوح
ماغفا جفني وبالي ماأستراح=ولاقبلت أدنى نصيحه من نصوح
أقضي الأيام في هم ونياح=ساهره والدمع من عيني سفوح
وإن غلبني النوم من كثر الصياح=وجف مدمع ناظري شفته يلوح
طيف خلي في وسط ذاك المراح=يوم شفته!ثم غشا قلبي فرووح
ياسقى الله موعدي ذاك الصباح=يوم قلبي من عنا شوقي يفووح
يومي أسقيته من شفآهي قراح=وأستطاب الود ثم عيّا يروح
أشهد أن الليل طايل يوم راح=وأشهد إني أنده بليلي وأنوح
من يرد العلم لي قبل الصباح=هو نساني صدق او هذا مزوح؟؟


وسوآآآلم

المشاركة الأصلية كتبت بواسطة الهواويه (المشاركة 102195) يالبا خراطيش قلبش يانويــر مايقنّد راسي الا قصيدش يابنت الشايب حلوااااااا في ذمتي ياسقـى الله موعـدي ذاك الصبـاح يوم قلبي مـن عنـا شوقـي يفـووح يومـي أسقيتـه مـن شفآهـي قـراح وأستطـاب الـود ثـم عـيّـا يــروح أشهـد أن الليـل طـايـل يــوم راح وأشهـد إنـي أنــده بليـلـي وأنــوح مـن يـرد العلـم لـي قبـل الصبـاح هو نساني صدق او هذا مزوح؟؟ صح لسااانش لين ترضيييين اطنّخ تقييم

المشاركة الأصلية كتبت بواسطة ذوووق ومنآآآوي (المشاركة 102303) عاااااااااااااشت نوير صح لسانس فديت روووحس واحلى تقييم لعيونس....تقبلي الود..

المشاركة الأصلية كتبت بواسطة رائد العصيمي (المشاركة 102394) نوير جميلة جدآ جدآ وعذبة لآخر درجة من العذوبة مشكورة ونتمنى المزيد

المشاركة الأصلية كتبت بواسطة رائد الحربي (المشاركة 102593) اجبرني ذوقك وتفاعلك معنا يا الشعراء المبتدئين على متابعت قلمك ولقيته ماينثر حبر (بل ينثر ابدااااااااااع) مستحيل اصل لمستوى شاعري المفضل بن فطيس ولكن لو وصلت لمستواك راح اكون راضي عن نفسي تقبلي مروري ولكي ودي واحترامي اخوك رائد الحربي

المشاركة الأصلية كتبت بواسطة آهات (المشاركة 102595) صح لسسسانك لاهنتي يالغلا

المشاركة الأصلية كتبت بواسطة مبارك الشمري (المشاركة 102600) هو نساني صدق او هذا مزوح ياسلام صح السانك راق لي ماطرحتي تحياتي لك مررت

المشاركة الأصلية كتبت بواسطة محمد بن صيّاح (المشاركة 102714) نويّر صح لسانك على المعزوفة الرائعة .! لاهنتي م ح م د