|
الحظ مبروك والايّام مبروكه
تكفون خلّـوا لجـوم القلـب ممسوكـه = خلّوا المحاجر تضـم الدمع بسكاتـي احبال فكري من الاوضـاع مشبوكـه = مغير احسّب واعيـد اقـرا حساباتـي الحـظ مبـروك والايّـام مبـروكـه = واغض طرفي عساها بضْع ساعاتـي واليا انقضى بي نهار وغابت اسلوكـه = تبْحر بي الذكريات لـماضيـن فاتـي وارسي على جال ذاك الحزن واحلوكـه = في صفحتن ماانطوت بآخـر كتاباتـي عرفت ذاك المكان و زهـره وشوكـه = واخلفْني الدمع فـي باقـي اتّجاهاتـي ابكي عزيزن فقدته مـا بـه اشكوكـه = مبناه ساسـي وبـي حيّـن ولا ماتـي واسمع صدى الصوت والونّات مشروكه = يبكيه مثلـي وانـا يـا قـل حيلاتـي مرّيت بيتـه وذاك السـور واشبوكـه = واغلى نياقه تقـول ابطـى ولا يآتـي واشوف ناره عقب مـا راح متروكـه = والبـن .. ريحـه فقدتـه بالممرّاتـي تبكيه ارضه وشعب الارض واملوكـه = يا جعل قبره ريـاض الخلـد جنّاتـي دنيا رديّـة بها الاحـوال مـحبـوكه = تـرمي وتخطي .. وبرهاني كما الآتي يا كم ميّت .. وفيـه النفس مملوكه = ويـا كم حيووا ضمننا .. من كانوا امواتي وسلامتكم |
رد: الحظ مبروك والايّام مبروكه
الله الله الله
صح الله لساانك على المرثيه الواافيه من شااعر وافي وجزل والله يرحم المتوفي ويسكنه فسيح جناااته ودي |
رد: الحظ مبروك والايّام مبروكه
{.. أشكرك على الطرح المميز ،، .. ماننحرم من جديدك ..}~ |
رد: الحظ مبروك والايّام مبروكه
صح لسانك
ابيات . جزله صورت معاناتك بصدق وجعلتنا نعيش معك نفس الشعور ونفس الحالة اعظم الله اجرك . |
رد: الحظ مبروك والايّام مبروكه
الله يرحمه ويغفرله
لاهنت اخوي ع القصيده ولاعدمنآآآك |
رد: الحظ مبروك والايّام مبروكه
تبكيه ارضه وشعب الارض واملوكـه يا جعل قبره ريـاض الخلـد جنّاتـي البعض ميّـت وفيـه النفـس مملوكـه والبعض حيّن وهو من ضمن الامواتي ماشاالله وتسلم وابيات تذكر الواحد احبابه والله يعضم اجرك ويرحم موتانا والمسلمين اجمعين ولاهنت |
رد: الحظ مبروك والايّام مبروكه
صح الله ابدانكم ولا هنتم ..
وكل الهدف اني استمع لنقدكم البنّاء حتى تعم الفائده |
رد: الحظ مبروك والايّام مبروكه
صح لسااانك
الله لايهينك ومشكور |
رد: الحظ مبروك والايّام مبروكه
البعض ميّـت وفيـه النفـس مملوكـه,,,,والبعض حيّن وهو من ضمن الامواتي الله على هالبيت ,,,بيت لكن عن قصيده صح لسآآآنك,وحيآآآك الله يسعدنا توآجد المبدعين بيننا مثلك وشروآك . ابيات جزله لايكتبها الامتمكن بآنتظار المزيد . تحيآآآتي وتقييمي. |
رد: الحظ مبروك والايّام مبروكه
مرحبا ومسهلا اخوي ليتك صدقت .
اولاً انضمام صاحب حرف ونص جميل مثل هذا النص شي يثلج الصدر استمتعت بقراءة هالنص ... وبصراحه انا ماعرفت اذا انت ولد ولا بنت معذرتاً الاسماء المستعاره لرجال ممنوعه في هالقسم ومن شروك هالقسم انك تكتب قصائدك بمعرفك الاصلي .. فأنا اعتذر منك على هذا الشرط اللي هو مانحط الا حفاظاً على الكتابات الادبيه .. لذا اذا تحب تستمر في الكتابه في هالقسم الرجاء طلب تغير معرفك عن طريق فتح موضوع في قسم بريد الاداره وسأبقي الموضوع لأرى اذا كان لك الرغبه في مواصلة الكتابه ولا لا .. لان القصائد المكتوبه في هذا القسم بنكات مستعاره .. تنقل الى قسم المنقول نبض القوافي انا بتركه لمدة يومين اذا لم تقدم الطلب سيتم نقل الموضوع واعتذر منك على ذالك تقبل احترامي وتقديري واعجابي بنصك الجميل أخوك ابو مشاري |
| الساعة الآن 01:56 PM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
