الملتقى الجماهيري للشاعر محمد بن فطيس المري - وش فيك مقفي ؟؟ جديدي بعد الانقطاعه

- الشعر و الشعراء (http://www.m-f6es.com/vb/forumdisplay.php?f=15)

- - وش فيك مقفي ؟؟ جديدي بعد الانقطاعه (http://www.m-f6es.com/vb/showthread.php?t=6099)

وش فيك مقفي ؟؟ جديدي بعد الانقطاعه

السلام عليكم ....

مساكم الله بالخير ,,,,
اعتذر عن طول الغياب ولكن اتيت لكم بجديده من قصائدي على امل ان تنال الاعجاب

اقول :

يامبعدن عن عيـن مغليـك وشفيـك ؟

سبحانه مغيرك من حـال الـى حـال

البارحـه صدتـك ياهـيـه تبكـيـك

واليوم تستانس علـى زود الاميـال !

حسبي علـى مـن للتغلـي موصيـك

مايـدري ان البعـد قتـال الاجيـال ؟

تطري علـي بسابـع الحلـم واسقيـك

نبع الغـلا واقـوم واشواقـي جبـال

وامسح دموعي واثرهـا هـي تبكيـك

ياكيف دمعـه تبكـي بعيـن رجـال ؟

ويهيض هاجوس الشعر وقت طاريـك

ويفجر بحـوره علـى بيوتـن جـزال

والله لـو للحـب قـاضـي ابشـيـك

ويحكم عليك الوصـل لـو الغـلا زال

تدري علام ضلـوع قلبـي مهاليـك؟

اسئل غيابك يمكـن يعـرف الاحـوال

ولا اقول اصبر وانـا اللـي ابعطيـك

حل وجواب ويمكن يكـون زلـزال :

البارحـه مريـت فـي بـال مغليـك

وفجئه بلا سابق وعد مدمعـه سـال ,,

وش فيك مقفي جعـل ربـي يجازيـك

الحال فـي غيبتـك والله مهـو حـال

يكفـي بـان الدمـع يومـي احاكيـك

طاح وملا دفتر قصيدي بالاهـوال ...

قلي علامك مرخصن قلـب شاريـك ؟

عطني سبب مقنع عسى ترضي البال ؟؟

كانك لقيت اللي عن الوصل مغويـك :

اغواك في حبـه ونسـاك الارسـال !

الله يهنـيـه وعـسـا الله يهـنـيـك

وانـا اببعـد والـغـلا مابـعـد زال

ولاضامتك دنيـاك شفنـي اوصيـك :

بتلقى غرامك صار فـي قلبـي جبـال

وسلامتكم / عيد ابن دمخه السهلي