ياعين أنا أشوف الصبر أخير من منّة بخيـل..
 

من اجمل قصائد شاعرنا اللتي استمعت بها


ياعين أنا أشوف الصبر أخير من منّة بخيـل..




..والرزق بيدين الولي والناس ماهي ناصحـه




أشوف انا بعض العرب ماترغب العلم الجميل..



..ولاجيتها في نفعة مارحـت نفسـك سامحـه





ربع معك وقت الرخا وان مال بك وقتك تميل..



..والا علوم المرجلـة ماهيـب فيهـا فالحـه




مادام حظي منعثر وش لي بصنع المستحيـل..



..خله كفاه اللي مضاه اليـوم وايّـا البارحـه




ليت الردي من خلقته يكتب على وجهه دليل..



..والا يعلـق فـي جبينـة لـلاوادم لايـحـه




أنا زرعت الحنظلـة وأسقيتهـا بالسلسبيـل..



..لكن جنيت الشوك من روس الغصون المالحه




مايلّدغ مرة ومرة كـود مـن عقلـة هبيـل..



..ومن لاحسب للمقبلـة مايحتسـب للرايحـه




دنيا تشوف بها الفهد يخشى من البسّ الذليـل..



..والذيب عداه العشا صوت الكـلاب النابحـه

رد: ياعين أنا أشوف الصبر أخير من منّة بخيـل..
 

بيض الله وجهك اخوي بس هذه القصيدة ليست للشاعر محمد بن فطيس

هذه القصيده للشاعر : بريك بن سالم العاوي

كل الشكر لجهدك

رد: ياعين أنا أشوف الصبر أخير من منّة بخيـل..
 

صح لسان شاعرها

قصائد ابو حمد

ماينزلها الا شخص رسمي من الادارة وذلك تحفظآ على نسب قصائد غيره له

لاهنت

رد: ياعين أنا أشوف الصبر أخير من منّة بخيـل..
 

بس أنا سمعتها بديوان يقال أنه للشاعر محمد بن فطيس

عموما شاكر لكم توضيحكم

رد: ياعين أنا أشوف الصبر أخير من منّة بخيـل..
 

يعطيك العافيه

وماقصروا الشباب بالتوضيح

تحيه تقبل مروري

رد: ياعين أنا أشوف الصبر أخير من منّة بخيـل..