الملتقى الجماهيري للشاعر محمد بن فطيس المري - آلمقآم آلسآمي //خآطرك مكسور....

- ساحة القصائد والقصة والخواطر المنقولة (http://www.m-f6es.com/vb/forumdisplay.php?f=17)

- - آلمقآم آلسآمي //خآطرك مكسور.... (http://www.m-f6es.com/vb/showthread.php?t=3906)

آلمقآم آلسآمي //خآطرك مكسور....

ص / م الخير ع الجميع

عندي قصيدتين لشاعر عبدالله الظفيري ......

وهاذا الشاعر احسس انه انظلم في شاعر المليون يستحق البيرق قسم ض43

المهم ........
القصيده الاولى (المقام السامي )ومن اجمل مااكتب وقاااال ....
لله درك يالظفيري ض29

ادمنت على القصيده >>تسمع غيب ض37

ياباذخه فالحسن.. ياسنيوره
عشقك: وطن... في داخلي مترامي

يا غاية الشعر وضفاف بحوره
واسمى المعاني في حضور إلهامي

يااحلى تفاصيل المسا وحضوره
شفتك؟؟ وضاعت حسبتي وأرقامي

ماشفت لك أشباه ف(المعموره)
مثلك!! فلا قد مر في أحلامي

يومك غديتي ف الجمال اسطوره
ما صوّرتها ريشة الرسامي

سبحان من سوّاكِ في هالصوره
وسبحان يوم انْكَسْتْ لك أعلامي

ياطاغية في الحب يامغروره
يااللي قتلتي جرأتي واقدامي!!

الشوق ثاير في عروقي ثوره؟!
والروح دونك تعلن استسلامي!

كل المشاعر شيّدت مقصوره
لك وسط قلبي من ركام حطامي

من حسن حظي صرتي الدكتوره
وانتي سبايب علتي وآلامي!!!

كل ما طعنتي.. قلت أنا معذوووره
حتى عشقت اسلوبك الإجرامي!!

وكل ما نشف دمي لنزف شعوره
اشتاقت أوراقي لنزف أقلامي

يا ام الحلا وام الترف وغروره
كثر الرجاوي زوّدت بأوهامي

القلب بيتك.. والأماني سوره
والموت رمشك.. والأمل قدامي!!

آمال تبنى من غلاك قصوره
لا تهدمين اللي انبنى بأعوامي

أدري بأن اليأس ماخذ دوره
بس المصيبه ماتطيع أقدامي؟؟

ماجيت أبحكي لك أنا فزوره
هذي حقيقة واقعي وأيامي

ياما شكيت من الغرام وجوره
أرجي البراءه / ينحكم بإعدامي!!

خلي الأمور الماضية مستوره
وإن ضايقك حكيي.. ماهو بإلزامي

منتي على ماقيل (دكتاتوره)
واللي تبينه افعلي... مادامي:

من كل قلبي قلت لك مشكوووره
وأسمى التحايا.. للمقام السامي

.................................................. .................................................. .............

وهاذي قصيدة الثانيه كل مآسمعه تخنقني العبرررره ياعزتي لك ياظفيري ض43

لو احد قالها لي على طوووووووول رضيت ض42

(خاطري مكسووور )

علامك جيت ياقلبي وراجع خاطرَك مكسور؟؟
أبد لاينكسر خاطرك دامه صاحبي جاير

أبي تنسى مبادئنا وتترك طبعنا المغرور
وأبي هالحين ترجع له.. وقلّه يطلب ويامر

وإذا جت عينك بعينه أبي تشهد شهادة زور
بأني مذنب ومخطي.. وقلبه ناسي وغافر

وقلّه لايخليني على حزني أبات شهور
لأن الموت أشوالي وأنا من طبعي ماكابر

ولايفكّر يقول: (انسى وغيري بالبشر مذكور)
لأني ماخبر غيره / قسم بالله مو خابر

أحس اللي خلق زينه خلق باقي البشر ديكور
وأحس الورد لاشمه يميل وينثني شاكر

وربي هالبشر بعده هياكل والبيوت قبور
ولابه شي بالدنيا يجاري غيابه الكافر

حبيبي يابعد كل الحبايب والزمان يدور
علامك ماتخاف الله تعال وشوفني..ناظر

ترى قدرك بعيني صعب أحصِرْه بغلا وشعور
أبي باصبعك تشّر لي وأجيلك وقتها طاير

ألا ياصاحبي القاسي بدونك هالحياة تغووور
ألا ياسبّة جروحي..ألا ياحظي العاثر

أحبك.. يامنى عمري وغيرك يمسك الطابور
أحبك يامولّعني وأذوب بصوتك الخاثر

أنا من كثر مااحبك أحس إني معك مسحور
فديتك خلني مسحور إذا تبقى لي الساحر

تعال وخذني بكيفك..قصيد..ولو تبي جمهور
فداك اللي قصدته أمس واللي بَقصِده باكر

لك الله وانت خابرني شجاع ولا علي قصور
ولكن لو وصل أمري بيدّك... آآه ياساتر!!

دخيلك انتبه! لا..لا.. تمادى مع رجل مقهور
ترى قهر الرجال أكبر من اللي تحسب وفاكر

أنا حبي معك والله عفيف وطاهر ومستور
حشا صعبه تلاقي قلب شروى قلبي الطاهر

إذا ناوي تجربني ترى وقتك معي مهدور
أموت بنار طغيانك.. ولاينقال لي صابر!

أمانه روح ياقلبي وأبي تضبط عليه الدور
أمانه طير له تكفى وأبي هالحين ياشاطر

أبيك تحب لي راسه وتنسى طبعنا المغرور
ترانا اثنيننا والله بدونه نكسر الخاطر