الملتقى الجماهيري للشاعر محمد بن فطيس المري - بشت اميرٍ تو امير الرياض مومّره .!

- ساحة القصائد والقصة والخواطر المنقولة (http://www.m-f6es.com/vb/forumdisplay.php?f=17)

- - بشت اميرٍ تو امير الرياض مومّره .! (http://www.m-f6es.com/vb/showthread.php?t=3495)

بشت اميرٍ تو امير الرياض مومّره .!

جديد الشاعر الكبير والقدير / عبدالله بن زويبن الحربي ..

ياحبيبي من عيونك ضرب قلبي عيـار
ضربـةٍ مسمومـةٍ قاضيـه ومدمّـره

والسبايب منك قررت واصدرت القرار
قدم المعـذار واللـي دمرتـه عمّـره

ياعيون اللي اليا ضف جنحانه وطـار
الدرابيـل الجديـده تعجـز تـذمّـره

ولايطير الا ليا شافلـه شـوفٍ قـرار
ومخلبه في صدر برقا الجناح يسمّـره

والشفايا جمرتينٍ تواشـا وسـط نـار
توّها من قوّ صلـوّ اللهيـب مجمّـره

أنت كلّك نار تجمع بياضٍ مـع حمـار
تقل شمسٍ دوبهـا للغـروب محمّـره

والنهود صغار والبطن ظامر تقل غار
والردايف بالقمـاش الجديـد مشمّـره

والشعر يلمع على الضي من قوّ الشقار
بشت أميرٍ توّ أمير الريـاض مومّـره

لانسفته ذيل صفراً تحت طـلاب ثـار
توّ جت من فوق جرف المسيل مطمّره

كل يومٍ تقوبعه سطل من وزر البكـار
وبالشمطري كل ليلة خميـس تخمّـره