ابتدي بسم الله الرحمن خلاق العبيد=جل سبحانه عظيم الشان في بر وبحر
لا بغيت اجر صوتي ينقطع حبل الوريد=وان بغيت اكن ما فالجوف يكتض الصدر
لا الفراعنة الشداد ولا فراعنة القصيد=يحتمون القول لا من دق ناقوس الخطر
بس انا عزمي متين وساس تفكيري شديد=ما علي من قول شاعر جاب شي بلا خبر
ازوي التفكير وافره ولي رايٍ سديد=اسمع الجمهور لا من قيل ابن هندي حضر
يرتفع صوت البلاغه ويخدم صوت النشيد=ويتخطى ساحة الابداع ويصير القمر
ايه انا ناصر زعيم القاف والمسرا بعيد=ظلليني يا حروف الشعر واعزف يا وتر
لا ذكر للشعر سيد صرت انا للقاف سيد=والخدم من حولي تبث المشاعر للبشر
يا عنيدي لا تعنيني ترا راسي عنيد=ما يطيع ولا يحيد ولا يزيغ بلا خبر
يعتلي صهوة جواد مخيلاتي دون قيد=ثم يهيم بقاع خصبه ما بها حتى الاثر
اكسجينه حرف شاعر وامنياته جو بيد=والغذا في داخل اسماع الخلايق لا مفر
ينبت بجوف الخلايا ويتونس بالجديد=ثم يحصل في صدور الناس ميدان ومقر
يا ملوك الجن يا اسطورة العزف الفريد=قد ظهر في لابة الاشراف ناموس الفخر
ناصر اللي قام يضرب بالمعاني كل كيد=لين طرز راية الابداع بسمه والدرر
جوف قلبه من ردا الساحه وواقعها صديد=يوم شاف ان المشاعر زي همال المطر
اصبح الشعار اكثر من مظاريف البريد=بس من منهم نحت قوله على صم الحجر
حد يبا يطلع على الشعار فالجو ويصيد=وحد يبا يزمي مثل زوم المحيط اليا زخر
وحد يعني فكره التايه يدور له فقيد=وان لفى ما ياتي الا بالجنوط بلا كفر
يعتمد في خلطة ابياته على المعنى الزهيد=وان تعلا ما فرق شبره ولا حتى شبر
الشعر يبغى هله ويصيح من همٍ مديد=لكن اهل الشان ما تقوه من ضيم الغجر
احضرو يا ايها الشعار صوب افضل عقيد=ناصر اللي لا اعتلا المنبر تولى وانتصر
لا الفراعنة الشداد ولا فراعنة القصيد=يرتعو في بيت واحد فكري اللي له نثر

ايه انا ناصر زعيم القاف والمسرا بعيد

اكتفي بهذآ الشطر من القصيده

اقسم لك اخي الفاضل انك زعيمٌ بلا شك ..

لافض فوك ..

تقديري

//

المشاركة الأصلية كتبت بواسطة أمير الشريف (المشاركة 30010) صح لسانك ونعم فيك وفي ربعك وفي قصيدك .. تقبل تحياتي ياسيدي ناصر

المشاركة الأصلية كتبت بواسطة العقاب (المشاركة 30325) يرتفع صوت البلاغه ويخدم صوت النشيد))))))))))))))))))) :) :) :) ناصر ودي اقول لكن شي لكن اعجز فانا اشهد انك هامه شعريه قويه صح لسانك يالقرم

المشاركة الأصلية كتبت بواسطة شيهآُآُنهـ (المشاركة 30621) عوأأأفي يستاهل ولد عمي.. تقبل مرؤؤؤؤؤؤؤؤري ..

المشاركة الأصلية كتبت بواسطة البــراق (المشاركة 30623) صح السانك ياناصـــ~ــر قصيده جزله الله يعطيك العافيه