|
هوية .. ( بدون ) ..!!
السلام عليكم من العراق متواضعه تقبلوها كما هي .. : : هوية بدون ليت الجواز اللي صدر لي من العام ...................... مسموح له ينزل بلندن وباريس والله لترك واجباتي مع الزّام .............. وارسم طريقي من خطوط التضاريس قالوا (بدون) ودربك اشواك والغام .............. بالخارطه مرسوم دارك مع ابليس قلت ادري ان الحظ لاطاح ماقام ................... خلاّ مناعير الجزيره مفاليس وجدي على حلمٍ قضيناه بالام ........... وجدي على ليلٍ قضى بالوساويس بالأمس كنّا بالمعارك له حزام ............. صفوة قروم ولا بنا خايب وهيس ياكم روسٍ لجلها عافت اجسام ............ تسعين بالميّه (بدون القراطيس) حنا بدون اوراق رفّعنا الاعلام ........... وحنا حمينا الدار من كلّ تدنيس حنا بني وايل على الشر ضرغام ............. قبل الهويّه كاسبين النواميس عقب النصر ياحيف رحنا بالاقدام .......... صرنا قضيّة رف خلف الكواليس لكن جزا الاحسان تسفيرٍ الزام ........ وبعضٍ بقى في ديرته خالي الكيس اوهام ياللي توعدونا بالاوهام .......... فاق الضمير اللي غرق بالكوابيس مع السلامه يالعروبه والاكرام .............. يمكن ألاقي بالغرب بندْ تجنيس لطلب لجوءٍ بين ويلز وتتنهام .......... علّه يطيب الحظ من عقب تنحيس غربه حياتي وانا في دار الاسلام ............... يالله عفوك لالفى حادي العيس لـ مشاري بن فالح البدري العنزي ( هاجس الحرمان) 28/1/2011 |
رد: هوية .. ( بدون ) ..!!
حنا بني وايل على الشر ضرغام
............. قبل الهويّه كاسبين النواميس صح السانك يالعنزي لبى بني وايل بس الف شكر لك على القصيده الروعه فعلا شاعر مميز انتضر جديدك بشغف لاهنت يالذيب فايف ستار ولد القبيله |
رد: هوية .. ( بدون ) ..!!
صح السانك يا العنزي و ألله يلوم اللي يلومك لاهنت يالشلي ولا حرمنا الله جديدك
|
رد: هوية .. ( بدون ) ..!!
الله الله الله عليك صح لسانك يالبناخي ابيات جزله من شاعر جزل لله درك ي شيخ بيض الله وجهك مليييييييييييون على هالابيات الله لايضرك |
رد: هوية .. ( بدون ) ..!!
... مشاري بن فالح ...
ااالله ااالله ااالله ااالله صح لسانك يالقرم وبيض الله وجهك مليووون عزالله قصيدتك وافيه وصدقت الله يعين اليوم صارت الهويه شي مطلوب ومهم والله يعين البدووون ويوفقهم ويحصلون مرادهم بكل ديره ودوله تحيتي لك يابن وااايل وصح لسانك مره اخرى |
رد: هوية .. ( بدون ) ..!!
صح لسانك يالوايلي وبيض الله وجهك نص شامخ بشموخك .. وانت شاعر متمكن ومبدع بكل ماتعنيه الكلمه .. تحياتي لك ولقلمك
|
| الساعة الآن 06:58 AM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
