|
مجاراة للشاعر الشريف علي السبعي
يقول الشريف علي
هذي رساله صــغــتـها فـي قالب الشـعـر الفـريـد فكره لها كم مـن شـهـر فـي مـنـحنى راسي تدور ما جـيـت أدوّر مـدح أبـد مـن زيـد وإلا من عبيد وما جيت أسوق الفلسفه بين المعاني والسطور المنـتـدى خـالـي كذا مـا عـاد بـه شـي(ن) جـديد مـدري مـلل وإلا خـلل وإلا دخـل فـيـنـا الـغـرور الأرض تـجـدب لو يـغـيب الغيث ذا علم(ن) أكيد والنحل وش له بالشـجر لا غابت أكوام الزهور يا هوووه ياللي تسمعون الصوت قولوا وش يفيد؟ إنك تسـجـل مـنـتـسب وتـغـيـب بـأفـكار وحـضـور وأنا مـقـصّـر وأعـتـرف والله عـلى قـولـي شـهيد لـكن ظـروفي الـقـاهـره حـدّتـنـي لبـعـض الأمور وأظل أحاول وأخـتـلس من وقـتـي الوقـت الـسـعـيد وأحضر وأشارك وأشترك في شعر وأفكار وشعور بـس العـتـب كـل العـتـب لـلـي عـلـى وقـتـه شـديـد عـنـده فـراغ بـدنـيـتـه ويـظـلّ يـرضـى بـالـقـصـور تـكفووون لا يشـمـت بـنـا حـاقـد وله مغزى وكيد نـبـغـى يـكـون المـنـتـدى زاهي ولـه روعه ونور ومـا زلـت أردد فـكـرتـي وما زلت أكررها وأعيد تـرى حـيـاة المـنـتـدى تـاقـف عـلـى كـمّ الحضور وهنا ردي اتمنى تقبلوها كما هي يا مرحبا بالشاعر اللي له مقام وبه نشيد شاعر ليا دق الخطر ياقف مواقيف النعور اببتدي حيث انتهاء والعلم يبغى له رشيد اللي معه حكمه يبى يلقط على بن وتمور عادتنا في ملتقانا لا ندور ولا نحيد واقلامنا فالملتقى تشهد لها مسك وعطور تحت لواء من الجزيل محمد فطيس العميد جمع شتات الشعر من قدامه الواقع دبور قد اسسو فالملتقى ابداع واداب ونشيد وكتابهم لو غاب احدهم جالنا هالحين دور نمشي على الابداع بالخطوه وللباقي مزيد فينا المثقف والروائي والادب مركز مرور اما نواصل واللقاء فكر واحاسيس وقصيد واخوه تجمعنا محبه صادقه وسط الصدور اكتب وشاركنا ومن غابو لهم شوق ن يعيد ودعواتنا بان الغياب بخير لا شر ن وجور ونافس على طرح التميز واحذر اللي مايفيد ترا كتابات البنادم ترسمه من دون صور واختامها صلو على خير البشر خيراً نعيد لعل نحضى بالشفاعه من الى الجنه عبور |
رد: مجاراة للشاعر الشريف علي السبعي
اقتباس:
صح لسانك يا قمراي مجاراه ولا اجمل تقييم عالي --- صح لسانك يالشريف علي اجدت وكلامك صحيح |
رد: مجاراة للشاعر الشريف علي السبعي
عليه افضل الصلاة واتم التسليم صح السنتكم ولا هنتوا تحيتي وتقديري |
رد: مجاراة للشاعر الشريف علي السبعي
اللهم صل على محمد وعلى آله وصحبه أجمعين
الشاعر العذب قمراي صح الله لسانك مليارات ولا يكفون لي الفخر أن تجاري قصيدتي ونصايحك تنشرى بالذهب يا ذهب وعز الله إنها نصايح وافيه من راس وافي ولا يهونون الربع جميعاً تقبل مروري بكل الحب كما أحب وتحب. |
رد: مجاراة للشاعر الشريف علي السبعي
صحت الالسن والقلوب
الشاعر اللي يقدر يقول كل اللي يبيه ويستطيع توصيل الرسايل اللي يريد توصيلها من خلال قالب شعري وصياغه ادبيه جميله نرفع له القبعه كلكم اجدتم وامتعتم لاهنتم . |
رد: مجاراة للشاعر الشريف علي السبعي
اقتباس:
الشاعر المبدع الشريف علي السبعي والشاعر المبدع قمراي صحت السنتكم ولاهنتو اثنينكم مبدعين ومتميزين تحياتي |
| الساعة الآن 12:55 AM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
