هذه القصيده للشاعر

بخيت البريدي ..

من اجمل ماقرأت من قصااائد التوجد


ألا ياوجودي وجـد عـودن طريـح فـراش

ولا لـه مـن الشغلـه سـوى جــر ونـاتـه

غزوه العرب غفله وغارو علـى الأدبـاش

ولا عــاد بـــه شـــده يـــدور لمنـجـاتـه

وصـوت علـى ربعـه ولكـن ربعـه مـاش

ومــن حــر مـابـه بــل خــده بدمـعـاتـه

طرالـه زمـان فيـه يامـا غبـش مغـبـاش

ويامـا حمـى ذوده مـن الـقـوم لاجـاتـه

وثـم جـرهـا ونــه لـوأنـه سمعـهـا لاش

تـعـزوى وركــب الخـيـل ثــم رد نوقـاتـه

وياوجـد حالـي وجـد شيـخ غـدا فـراش

كريـم البـلاء مـنـه ومــن طـيـب مـداتـه

جفوه العرب كلن وحتى القريب أنحـاش

وهــو خـابـر إنــه قــد نفعـهـم بوقفـاتـه

ألا ياهـبـوب الطـيـب لقيـنـي مـقـفـاش

تـرا الزيـن قـفـى والسـهـر ذي بدايـاتـه

يقولون لي أصبر ترى مـن صبـر يعتـاش

وأقول البلاء في اللي قطار الفـرح فاتـه

يقولـون لاتبكـي علـى واحــد غـشـاش

وأقول الزمن غشاش والكـذب مشهاتـه

يقاصدني الفرحه وهمـي يجيبـه كـاش

ونــوب يـطـوف قـصـد ويـشـح فرحـاتـه

تـرا يـا عيونـي مايفيـدش كثيـر إبـكـاش

عـلـى واحــد قـفـى وقـطــع عـلاقـاتـه

وألا ياقدم سيري عساها تصيد إخطاش

علـى ديـرة فيـهـا هــي آخــر ملاقـاتـه

ترا القلب مـا ينبـض ويحتـاج لـه إنعـاش

يجـوز أصدمـه وأرجـع وأنـا أزيــد دقـاتـه