بكتب قصيدي علّ تسعفني السطور=و اكثر عتابي جوركــم يا اهل الزمـن
الصدر ضايــق والمشــاعر بي تفُـور=وش حيلتي شفت المصايب و ارْتوَن
ليــه التكبّـر.. و التفــاخر.. و النفـور=نتـرك حضارتنـا وْ عراقتنــا لِ مَــن؟!
ليه التبــاهي صرنـا مــا نلقـى سرور=مـن ويـن مـا نـمشــي تقابلنـا الفِتَـن
حتّى الشوارع صــارت أشبه بالقبور=أبطالهـا مــوت وْ اصـابـات وْ كِفَـــن
هـذا يسابق قال تثْني بـي الحضــور=مــا تدري انّ الموت أسْبـق للبــدَن.!!
وش ذنبه اللـي ماسـكٍ خـطّ العبـور=تهْديهِ مـن ظلـمك اعاقـات وْ حِـقَـن
وش ذنْـب طفْـلٍ تـوّه بْعمْر الـزهور=كم من بيــوت بْطيشكـم اتْيتّــمـــن
يا نـاس كِفّوا واللـه دْموعــي تثــور=لا شفْت رَبْعـي صـار يبكيهـم وطَـن
واللي توهّـم مـن حـلا ذيك الخصور=يَكْسر خِطـاه وْ يسْتفـزّ اللـي رِكَــن
ينشر تقاسيمـه علــى مَـرّ الدهــور=يا كثْرِ ما يخْفــى ورا خضْــر الدّمَـن
وش قدّرك مسكين تَحْمل هالفجور=رجّح ضميرك لِ الورى تصْبح فَطِـن
يا صاحبي ما هكذا تُجزى النحــــور=ليتك تخاف اللي رسَم فيك الحسِن
بُكْرَه جمالك ينْعدم ليــــه الغرور؟!=أصْلك و فصلك طينِ ما يسْوى ثمَن

المشاركة الأصلية كتبت بواسطة امنيات (المشاركة 366286) حتّى الشوارع صارت أشبه بالقبـور أبطالـهـا مــوت وْ اصـابـات وْ كِـفَــن هذا يسابـق قـال تثْنـي بـي الحضـور ما تدري انّ الموت أسْبـق للبـدَن.!! وش ذنبـه اللـي ماسـكٍ خـطّ العـبـور تهْديـهِ مـن ظلمـك اعـاقـات وْ حِـقَـن وش ذنْـب طفْـلٍ تـوّه بْعـمْـر الـزهـور كــم مــن بـيــوت بْطيـشـكـم اتْيـتّـمـن يـا نـاس كِـفّـوا والله دْمـوعـي تـثـور لا شفْـت رَبْعـي صـار يبكيـهـم وطَــن صح لسانك و علا شآآنــك [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

المشاركة الأصلية كتبت بواسطة habeeb alqurni (المشاركة 366291) هلا بك وغلا اخوي / سعيد صح الله لسانك وهاجسك وحرفك ورسمك أغلى التحيات وجزيل الشكر

المشاركة الأصلية كتبت بواسطة عبدالله سعود المتعب (المشاركة 366332) صح لساانك معاني وافيه وقصيده معبره