|
ياعقاب ,,
بسم الله الرحمن الرحيم ,,
السلام عليكم ورحمة الله وبركاته ,, اسعد الله مساكم وصباحكم بكل خير وكل سرور,, اقدم لكم ابيات قديمه وسبق ان لها موقف لم يكن على بال ,, إرسلتها للمغفور له بأذن الله الشاعر عقاب بن نياف الذيابي العتيبي (رحمه الله) وتوفى بعد ثلاث ايام من وصول القصيده له في حادث على طريق المدينه المنوره غفر الله له ,, والله يعلم ان وفاته صدمه على هله وعلى اصحابه كلهم وبعد ماصار رحت ورديت على القصيده ورثيته الله يغفر له ,, ولكم القصيده والمرثيه وخالص تحياتي وادعوا له بالرحمه ولكل مسلم ,, ياعقاب جرحي ثمان سنين ينزف ولاخاط=عجز طبيب العياده يالعتيبي يخيطه منه الرجاء ضاع ثم لاع الحشاء لوع بإحباط=وضاق بعيوني يابو نياف درب البسيطه من كثر ماني من الضيقات صابر ومحتاط=اليوم عن ضيق بالي ماحصل لي وسيطه تجددت لي هموم ٍ فالحشاء كوم وانشاط=صارت لحالي وعزمي في زماني سليطه لاواه ماني بشايل في زماني ولاحاط=وقعة ياخوك مثل الي وقع في وريطه كله سبب من تركني واقف ٍ من ورى الشاط=واقفى بكفه يوادعني ودمعه يحيطه وجدي عليه وعليه الوجد شاحطني اشحاط=مير البلا في ظروف الوقت صارت عبيطه حبه بقلبي غداله بالغرابيل غطاط=ماكنه الا لهب نار ٍ تزايد شطيطه وانا لجل شوفته ياصاحبي صرت مشتاط=سافط له من الغلا بين الحنايا سفيطه لي من غرامه وداد ٍ في حنى القلب نقاط=شاح وتعلى وبادر خفوقي نقيطه ياليت لو ليت ماتنفع من الشوق مغباط=تبرى على شوفته غب الجروح النفيطه لو كان ياصاحبي مالي من الهم بسًاط=ياكود مثلك رفيق ٍ فالمواقف نحيطه إفزع لقلب ٍ من اللوعات صاطيه ربًاط=غدابه الهم والحرمان ساعة هبيطه مشكاي لاصكت الايام في كل مقلاط=اعن لك مابدالي والضماير غليطه الرثاء,, يامل قلب ٍ غدابه بين الاضلاع نهاط=عانق معاليقه وزاد العذاب إبمشيطه شكوى صداها تلجلج به على نار الاسباط=تجزعت به عروق ٍ فالحنايا مغيطه ليت الخبر ماوصلني كان همي علي باط=اهون من الي نغط فالصدر وشاع بنغيطه ليت المنايا على كيف المخاليق تنشاط=حتى نبيع الردي والكفو نرفع محيطه لكن راضين بالمكتوب لو كان نحاط=نصبر ومنهو صبر جاه الفرج كالبسيطه ياعقاب انا جيت لك شاكي وعودت شراط=اشكي فراقك وعيني بالمدامع سخيطه مرحوم يأغلى رفيق ٍ له من العمر نصاط=رفيق لاوالله الا اخوي حق وفريطه يالله تظله بظلك يوم زوغات الانباط=في ساعة ً للخلايق مالها من وسيطه وعوضنا بالصبر في حالت ٍ مالها أنواط=كسيفة ً بالمواجع والجروح اللحيطه وسلامة نواظركم وقلوبكم ,, خالد العبيريد. |
رد: ياعقاب ,,
الله يرحمه و يغفر له ويوسع له قبره
أبيات تنزف حروفها الالم صح السانك مدد بلا عدد |
رد: ياعقاب ,,
الله يرحمه ويسكنه فسيح جناته آمين
قصيدة حزينه في انفس الوقت رائعه جدا جدا لاتاتي الا من شاعر مبدع سلمت ودمت يالعباريد اخوك ابومشهور |
رد: ياعقاب ,,
والله يابو سهيل مدري وش اقول
أتكلم عن الجزاله والإبداع اللي ميزت القصيدتين ،، أو أتكلم عن كمية الحزن اللي تسكن كل بيت فالقصيدتين ،، يعجبني الشاعر اللي ينظر لقصيدته من كل زاويه ،، ،، وأنت شاعر منت في حاجة شهاده مني أو من غيري يالجزل ،، صح لسانك ياكحيلان من اللحين لين تقوم الساعه ،، الله يرحم عقاب ويسكنه الجنه ،، والله يرحم اموت المسلمين أجمعين ،، آللهم آمين ،، تقبل مروري المتواضع ياكحيلان ،، ، |
رد: ياعقاب ,,
اقتباس:
المشاركة الأصلية كتبت بواسطة بنت برقا [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل] الله يرحمه و يغفر له ويوسع له قبره أبيات تنزف حروفها الالم صح السانك مدد بلا عدد اللهم امين وكل مسلم إن شاء الله ,, حياك الله يابنت برقاء ,, وصح الله بدنك وصح كلك ولاهنتي على الحضور المضئ,, تحياتي وتقديري لك. |
رد: ياعقاب ,,
اقتباس:
المشاركة الأصلية كتبت بواسطة موسى ابومشهور [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل] الله يرحمه ويسكنه فسيح جناته آمين قصيدة حزينه في انفس الوقت رائعه جدا جدا لاتاتي الا من شاعر مبدع سلمت ودمت يالعباريد اخوك ابومشهور الله يرحمه ويرحم كل مسلم إن شاء الله ,, مرحبا يابو مشهور حياك الله ,, اشكرك جزيل الشكر على حضورك وتعليقك بارك الله فيك ,, كل التقدير والشكر لك . |
رد: ياعقاب ,,
اقتباس:
المشاركة الأصلية كتبت بواسطة متعب الثقيل [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل] والله يابو سهيل مدري وش اقول أتكلم عن الجزاله والإبداع اللي ميزت القصيدتين ،، أو أتكلم عن كمية الحزن اللي تسكن كل بيت فالقصيدتين ،، يعجبني الشاعر اللي ينظر لقصيدته من كل زاويه ،، ،، وأنت شاعر منت في حاجة شهاده مني أو من غيري يالجزل ،، صح لسانك ياكحيلان من اللحين لين تقوم الساعه ،، الله يرحم عقاب ويسكنه الجنه ،، والله يرحم اموت المسلمين أجمعين ،، آللهم آمين ،، تقبل مروري المتواضع ياكحيلان ،، ، مرحبا يامتعب حياك الله ,, والله ان يكفي حضورك وتعليقك على راسي من فوق ولاعليك زود ياغالي ,, صح الله بدنك وصح قلبك وكلك والله يرحم عقاب وكل مسلم ويغفر له ,, شهاده منك على راسي من فوق وكل شكري وتقديري لك يابو مساعد . |
رد: ياعقاب ,,
اقرى الابيات واتلذذ بما تحويه من معاني ومفردات تصويريه
قصيدتك ارتقت الى حد السحاب واحتظنته بلطف وابتسامه تحياتى لك يالمبدع والجميع متابع لك ولجديدكــ |
رد: ياعقاب ,,
أسأل الله الكريم المجيب أن يرحم / عقاب .. وأن يسكن روحه في (عليّيين)
وأن يحشرنا وإيّاه ووالدينا ووالديكم في زمرة الشهداء والصالحين ---------------------------------------------------------------------- صحّ الله لسانك يا خالد .. أمتعتني وأحزنتني - بنفس الوقت هذا طرق جميل وقديم ومن أجمل الطروق الغنائيّة المحبّبة - رغم أنّه ليس بقصير ولا شكّ أنّ كتابتك عليه بهذا التمكّن في البناء وجمال المعنى .. يعتبر سبق شعري - ان صحّت الجملة تصدّق انّي أغنّيها من أوّل ما قرأتها الى آخر حرف !! ولا ملّيت منها رغم أسى الجزء الثاني منها في كلّ الحالاااات .. ما فيك حيلة أغلى التحيّات لك |
رد: ياعقاب ,,
الله انه يرحم ابو نياف وكل المسلمين
صح السانك يابو بندر نص معبر وجزل |
| الساعة الآن 06:17 AM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
