الملتقى الجماهيري للشاعر محمد بن فطيس المري

الاياذيب وش طاريـك لجيـت العـوا ياذيـب
حداك الوقت ياسرحان وانت الذيـب سرحانـي
بماضي الوقت كنت الرمز منك البدو في تحسيب
وذلحينـه محـد يطريـك لاقاصـي ولادانـي
وقـال العفـو يارجـل بعقلـه فاهـم ولبيـب
انا ذيـب وابابقـى ذيـب قنـاص وقومانـي
ولكن يوم ناظرت الجبل وليا المكـان عجيـب
مغير الطيـر والاريـاح كـل اليـوم والثانـي
قعدت اشرف على المرقاب كني بالديار غريـب
ولجيت العوا لأنـي مـن الصدقـان وحدانـي
طلبت الله يعوضني اذا لي في الزمـان نصيـب
تعـوّد ماضـي الايـام يـوم العـود ريانـي
وذلحينه قعدت وجرح وقتي بالضميـر عطيـب
وشاب الراس والعارض وجور الوقت يبرانـي
وقلت اهلا وحيا بك بمشرق شمسهـا ومغيـب
هداك الله نقضت الجـرح اللـي قبـل وذّانـي
على قولك ديار مابقـى فيهـا نخـل وركيـب
وانا والله لـذاك الوقـت ياسرحـان ولهانـي
زمان الخير والنخوة زمان الطيب واهل الطيـب
يجيك الرجل بالفزعه علـى الميعـاد عجلانـي
زمان القنع والألفه بمنحي كان او فـي قريـب
زمان عـز فيـه الجـار والضيفـان والعانـي
زمان راح فـي فالـه وربـي للعبـاد حسيـب
وجانا وقت ساد الكره حتـى بيـن الاخوانـي
وعادات وتقاليد يكـاد الـراس منهـا يشيـب
وصار القطع في الصدقان بين فـلان وفلانـي
وصارت قيمة الرجّال في ماله وملـي الجيـب
وإذا فتشت محصولـه تلاقـي الحـال فقرانـي
زمان صار فيه الصقر باير فيـه كـل العيـب
وصار البوم راعي جاه شانه في العرب شانـي
زمان فيه امـراض عويصـه مالهـا تطبيـب
وربي شافـي الامـراض يحميكـم ويحمانـي
صحيح مثلما قالوا ترى كـل القريـب حريـب
تسّوّي فيـه معـروف وكنـك مخطـي جانـي
ألا ياذيـب طاوعنـي وربـي عالـم ورقيـب
نبـدّل دارنــا بــدار والحـيّـان حيـانـي
وصلوا عد ماهلـت مـزون ماطـر وسكيـب
على من جـا لنـا بالديـن والسنـه وقرآنـي

منقول