يا عيوني
استحي يا عيني اللي كل براق جذبها=من على طعس الرمال ومن على سور المدينه كل ما ريتي بياض يلوح كزيتي عربها=لين وردتي على قلبي تعابير الغبينه قلبي اللي لا لفاه الضيم والعله شربها=واختنق فيه الصميم وضاع منه اكسجينه يا عيون الريم ياللي بندقت صوبي هدبها=اشهد ان اللي يحب يشوف زلاته حسينه كل ما قلنا السعاده شوفك الزاهي جلبها=جات حزات الفراق وزادت الهم وكنينه لا لمع برق السما حي الذلول ومن شعبها=وان افل نجم الضحى هليت دمعات حزينه بس ما دام ان لي نفسٍ على العليا رتبها=والله ان الموت من دون الشرف ثابت وتينه انني من قوم تتفاخر وتتحاما نسبها=كل رجالٍ وقف يثبت معانيه السمينه المعالي والمبادي والفخر راسي خطبها=والمذله والمهانه روحت والعز وينه الله اللي يفرج الشدات ومجلي كربها=لا اله الا هو الرحمن دايم نستعينه من ظلام الليل شليت الهموم اللي نشبها=تكسر ضلوع الاوادم لو سماكتها متينه والنهار يلوح نوره تو عينٍ جا عتبها=بالعمى ما هي تشوف الا معاناةٍ دفينه الله اكبر يا جروحٍ فجر ضلوعي طربها=تفتح الميدان في قلبي وتستقبل ونينه (يا عيونـَي) هاش من روحٍ يثور بها حطبها=علك تغضين عن برقٍ لمع ما حان حينه .... |
رد: يا عيوني
الله الله
صح لسانك ياناصر يروق لي جديدك دوما لاحرمنا طرحك المميز ولاهنت يالقرم |
رد: يا عيوني
الله عليك
صح لسانك يالجزززززل |
رد: يا عيوني
المعالي والمبادي والفخر راسي خطبها والمذله والمهانه روحت والعز وينه شاعر كبير ياناصر لله درك صح لسانك مدد لاهنت |
رد: يا عيوني
ابدعت
صح لسانك ملايين :) |
رد: يا عيوني
ناصر تشرفت بمصافحة هذه الشامخه
صح الساانك ولاهنت تقبل مروري المتواضع امام هذه الشامخه شا ا ا عر ربعه |
رد: يا عيوني
عيوني حزينه
صح بدنك والله لايهينك وتسلم على الاطراء واشكرك على المرور المتواصل تقبل تحياتي وخالص تقديري |
رد: يا عيوني
سلطان المري
صح بدنك ولا هنت على المرور الجميل تقبل تحياتي وخالص تقديري |
رد: يا عيوني
تسلم يالعقاب على المرور
وصح بدنك والله لايهينك تقبل تحياتي وخالص تقديري |
رد: يا عيوني
الضي صح بدنك ولا هنت على المرور
تقبل تحياتي وخالص تقديري |
الساعة الآن 07:52 AM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010