|
رد (يامركب الأوهام) ( على الشاعر خالد العبيريد)
بسم الله الرحمن الرحيم
السلام عليكم ورحمة الله وبركاته هذاه الأبيات ردٍ على قصيدة الشاعر الكبير خالد العبيريد العتيبي وقبل لا أبدا اعتذر من ابو سهيل ان حصل قصور مني غير مقصود واعتذر من النقاد والمتابعين بديت باسم اللي بالأسرار علام ...........عالم خفايا الكون كله وماحاش اللي له عباده سجود(ن) وصيام ..........المعتني ب رزاق خلقه والادباش من بعدها دنيت بوكي والاقلام .........وجزأل المعاني عندنا ردها كاش قدام ياجزل الطواريق قدام ............/ميرادها هداج ماتارد مشاش يامرحبا مليون والوجب شمام ..........ترحيبة للافين من بعد مطراش اهلا هلا ماهمل الوبل غشام ......قنف (ن) ينثر ماه والسيل قشاش ياشاعر في غبة الشعرعوام .....على الحجر في قمة الشعر نقاش من روس روق اللي على نجد حكام ..........قومن يطوع بطشهم كل بطاش حزب من الهيلا موطين الاخصام ...قسم العرب معهم عراميش وعراش من حد صنعا لين بوابة الشام .....اللي نجا من شرهم هج وانحاش يامركب الأوهام *ياثورة اعلام أحيت مقتول(ن) على شبك الإنعاش *الوم ياخالد على عصر الأقزام* .............عدابهااللي ذيك الايام فراش اهل القنا والسيف وإكبار الأكمام* .....ماخلفو كود الصنادق والاعشاش وحطو لنا أعمام ماكانوأعمام* ...وساقو مواليهم مثل سوق الأكباش* |
رد: رد (يامركب الأوهام) ( على الشاعر خالد العبيريد)
وعليكم السلام ورحمة الله وبركاته ,,
ياهلا ويامرحبا حياك الله يابو محمد ,, اول شي مامن قصور حتى نعذرك عليه رجل وافي وشاعر جزل وشهم ,, ثانيا صح الله لساانك وصح قلبك وكلك ولاهنت شاعر جزل وتشرفت بالمساجله معك والله يعلم ,, بيض الله وجهك وهذى هو الظن لولا ظني يبيجي النقض الغامض هذى والله ماوجهت لك الابيات لكن كفو وعند الظن شاعر متمكن وفي غنى عن شهادتي ماشاء الله عليك ,, كل تقديري وشكري لك وخالص تحيااتي يالغالي . |
رد: رد (يامركب الأوهام) ( على الشاعر خالد العبيريد)
من روس روق اللي على نجد حكام
..........قومن يطوع بطشهم كل بطاش حزب من الهيلا! موطين الاخصام ...قسم العرب معهم عراميش وعراش ونعم بعتيبة وفيك يابو محمد وفي لابتك الكرام خطيررررررررر صح السانك وبيض الله وجهك يامبدع شكرا لك ولخالد على ماقدمتوه من ابداع وجزاله هذي بندريااااااات يابومحمد الف تحيه لك يانجمنا المميز |
رد: رد (يامركب الأوهام) ( على الشاعر خالد العبيريد)
صح الله لسانك ياسعيد مجمل ورد وافي ولايغرك شي ماشالله عليك وبيض الله وجيهكم خالد+سعيد
رديه بين شعار كبار وزن ثقيل |
رد: رد (يامركب الأوهام) ( على الشاعر خالد العبيريد)
ماشاء الله صح لسآنك سعيد
وصح لسآنه خآلد رد . وافي من شآعر مميز دائمآا |
رد: رد (يامركب الأوهام) ( على الشاعر خالد العبيريد)
بيض الله وجهك يا بو محمد ولا هنت على الرد الوافي والجزل ابيات كلها محبوكه ومليانه صوت وصدى ولا اروع من شاعريين جميلين ورائعين دمتم بخير وسعاده |
رد: رد (يامركب الأوهام) ( على الشاعر خالد العبيريد)
من بعدها دنيت بوكي والاقلام
.........وجزأل المعاني عندنا ردها كاش رد وافي وصح لسانك |
رد: رد (يامركب الأوهام) ( على الشاعر خالد العبيريد)
_
وعليكم آلسلآم ورحمةة الله وبركآته صح الله لسآنك شاعرنآ على الرد الوآفي لآهنتوآ ,’ |
رد: رد (يامركب الأوهام) ( على الشاعر خالد العبيريد)
وعليكم السلام والرحمة ..
الله حيّ جزيــل ابو محمد .. رد وافيّ من واافيّ .. معنى ومبنىّ .. ودام الله مودتكـم .. انت وشعرك .. الى جناات الفردوس يّ قديــر .. * انتهى التقييم لدى .. ليّ عودة |
رد: رد (يامركب الأوهام) ( على الشاعر خالد العبيريد)
صدى رائع من شاعر جزل
نقض كبار ، ومبنى جزل.. والنعم والله بصبيان الهيلا.. صح لسانك يا ابو محمد ويا لبا قلبك... اعجابي + تقييمي... فهد! |
| الساعة الآن 12:36 AM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
