الملتقى الجماهيري للشاعر محمد بن فطيس المري

السلام عليكم ورحمة الله وبركـآته
صباحكم // مسائكم فرح ..
وتحقيق أمنيآت يَ أحبَّه ..
،،
ابدعت بالقيفان من جور الازمان
....................ياوقت .. ياوقت الشقا وش تبيبي؟
أكتم همومي بالصدر قدر الامكان
....................وصار القلم ياخوك نعم الطبيبي
يابدر لا تنصح من الناس مرضان
....................مريض حب وعلتي من غريبي
صدفه تلاقينا بلا موعدن كان
....................وسالت دموعي من ردات النصيبي
أثر الزمن ناكر وجاحد وخوان
....................من الجبل حول بنا فالقليبي
ياعين كبي ماك من فوق الاوجان
....................ويا صدر فيّض من هموم ونحيبي
راح الغرام اليوم زاهد ومجان
....................هاذا مودي علم وهاذا مجيبي
العام انا والزين في خير وامان
....................واليوم جتنا الكارثه يا صحيبي
هاذي ثلاث اسنين والحال تعبان
....................وهموم قلبي حاضره ما تغيبي
صار الحزن بحرن وانا فيه قبطان
....................وشاب الشعر في سن مابه مشيبي
باعو هوانا بالجواهر والاثمان
....................على اللذي للزين جاهم طليبي
وهالحين ما عندي من الناس خلان
....................الا صور وكتاب ..ذكرى حبيبي

لـ نـادر العتيبي
[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]