هاجسي لاذع ذع النسناس غنى = حي صوته يوم غنى حي صوته
صادق الاحساس والقلب المعنى = يدفعنه غصب والطاري يشوته
والقصيد اللي يرد العلم عنى = مابقالي فالزمان الا بيوته
ياعديل الروح قلي ليش حنا = متفقنا مثل ابن وايل ونوته
والعهود اللي قطعناها وقنا = ما يخان العهد لو بحد موته
كيف تنساها وتنسى كيف كنا = يوم يسقينا الجفاء من عنز روته
ويوم جالك يالمهنى ماتمنى = قمت ياراع الوفاءتحرق كروته
ياكثر ماقلت يالكف المحنا = باقين ماذقت عنابه وتوته
لين ضعنا وضاع حلم العمرمنا = حسبي الله منك يالنفس المقوته
لاسكتنا ولا الليالي جمعنا = ولاكفانا الله من الناس الشموته

الله الله الله
عز الله انها قصيده عن دواوين شعريه مميزه بالفعل
أعجبتني حيل
صح الله لسانك وعلا شانك شاعر مميز
بس هالشطر ناقصه حرفين احتمال غلط املاي
(ما يخان العهد لو بحد موته)
أعتقد يقصد(ما يخان العهد لو بالحد موته)