يالسناني كيف حالك كن بالمتنيين كيه = من ضحك لك في رخاك اليوم بانت سئياته
النحل يبقي نحل والطيب من طيب الخليه = لا تبهرها بهيل ولا تكحلها شماته
النوايا السود سود ولا تجي حول السريه = والصداقه ما يغيرها الخسيس بمعرفاته
والمنافق لا هرج لك نيته ماهي سويه = ان سكت مات بغبينه وان تكلم يا جراته
كان شفت القاع حثرب شوم عن درب الهفيه =الردى يبقى ردي لو زان لك بمكالماته
من يدنس بيت جاره كيف يامن مكر خيه =العمل جنس العمل والمكرمه من مكرماته
عيش حاضرك السعيد ولا تحزّم للخطيه = لا تلفّت للزمان اللي مضى ومسابقاته
من لبس ثوب الردا مافيه للصاحب حميه = مثل من يطرد سراب وذوّب الضامي لهاته
اعقد الصفقه لذاتك واتّبع سيرة نبيه = لا يغرك هالثري لو لانت ابرجلك حصاته