|
مساعدة... قصيدة بعض العرب
السلام عليكم .
مامعنى الكلمات التالية في قصيدة (بعض العرب) لابن فطيس. احكاك له ، ومدعاك له ، ومتاك له بعض العرب حبه يوردك الجنون ... و لا يوصله غلاه احكاك له ... ما يقنعه وصف الغلا وش ما يكون ... لو كل حرف بالحرير يحاكله ... الموت جاك و هو تقلبه الظنون ... و لا لك الا الصبر وش وداك له... ان قلت ضايق قال هونها تهون ... ما يدري ان ضيقتك له و ابكاك له ... تقعد تحبه و انت ساكت و مغبون ... يمكن بيوم ينقال له وفاك له ... و كنك مشكك هو يمون او ما يمون ... تخيل عفت الصبر فرقاك له ... غلاه فوق الغلا ماهو من دون ... و حكاه سمعك يجبرك برخاك له ... ودك تحطه في العيون من العيون ... و تبسط على رمل الثرى يمناك له ... و تظله من الشمس في ظل الجفون ... ولا يمر اذنه سوى لباك له ... و تسج من غيره لونهم يذكرون ... و منين ما سجت القدم ممشاك له ... غرون يميله الترف ميل الغصون ... غصن ليون و مكرمه بسقاك له ... و جديله ان اقفى ستر منه المتون ... كني بريح لالتفت بدعاك له ... كيك و عسل لكن ماهو بصحون ... و دعاك من عين الحسود غطاك له ... الله لا يعطيه ناس ينظرون ... و يستر عليه من النحل لا ياكله ... الوصف و التعبير في وصفه يخون ... غير ارجو الله يستجيب دعاك له ... و عذال محبتك في محبته يهبون ... سكين عن قطع حبل حاكله ... ناس عن اعراض العرب ما يعرضون ... و دايم على نفس الشكل و الشاكلة ... اللي من لحوم الاوادم ياكلون ... و حلوقهم دفع البلا متواكلة ... في سلمهم اولا بالاكل الاقربون ... و اطيبهم اللي صيدت شكواك له ... |
رد: مساعدة... قصيدة بعض العرب
مايبي لها شرح ومساعده ياغالي .. اعتقد انك مو من منطقة الخليج . ولا كان فهمتها بسهوله .. أحكاك له .. يقصد كلامك او حكيك وهو يقول ولا يوصف له غلاه حكاك له .. يعني لو اتكلم واعبر له عن غلاه بالكلام ماراح يوصف له لانه غلاه اكبر من الكلام والحكي
اما اللي تقول غير اطلب الله يستجيب ادعاك له .. يعني دعواتك والدعاء هو طلب الله ورجواه .. مايبي لها شي بس ركز في الابيات كامله وتتضح لك الصوره واما كلمة متواكله اذا تبي تعرف معناها شوف الشطر الاول اللي يقول فيه اللي من الحوم الاوادم ياكلون <-- اخر شي ياكلون .. تشبيه .. وقال متواكله .. من باب المبالغه في هالشي او في هالميزه اللي وصفها بهم .. اتمنى اننا خدمناك وحنا في خدمة في اي استفسار لا تتردد ض29 |
رد: مساعدة... قصيدة بعض العرب
احكاك له ... تحكي له
دعاك له ... تدعي له |
| الساعة الآن 08:33 AM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
