قال من غنى حروف في ضميره=والقوافي تدهر في كل ساعه
يا سلامي عد الامطار الغزيره=للرجال اهل الوفى واهل الشجاعه

هات يا قلب التهاني دون حيره=وابتسم ثم ترجم حروف الطباعه

القصيد اللي توقد بي سعيره=قمت ابثه من خفوقي للجماعه

كل واحد يا عسى ايامه سفيره=والقصيد اليوم فلينا شراعه

عيد الاضحى شرف وسقنا المسيره=والقلم ينزف ويعطينا متاعه

بالتباريك انثر المسك وعبيره=والفرح مشرق على الدنيا شعاعه

بس يا ربي عسى فالامر خيره=والكلام يزيد ويضيع سناعه

قال ابن الاشراف والهاجس صفيره=جوف قلب يهتوي سلم القناعه

آآآلف مبرووووك على القوم الغفيره=عد ماهل المطر واسقا يراعه

شرفي لي يالحروف المستديره=واكفي اهل الجوع حزات المجاعه

اسعد الله عيدكم في كل ديره=من شريفٍ يظهر بمدة ذراعه

لا نزعت السيف من داخل جفيره=قام لاهل الشعر طيحه وارتفاعه

انثني للقاف واوزع زفيره=لين ينثر فرحته في كل قاعه

كل عام وخير ربي له ذخيره=يقسم الارزاق ويوزع متاعه