ياطير يالي حزة عصير هدوك =جول الحباري منك شاف الهلاكا
حرأ عديم من الشواهيق جابوك=اشقر قطامي غاليأ مشتراكا
من صيد مخلابك من الخرب عشوك =راعيك من كفه يقدم عشاكا
عليك من دي هورنت يوم فكوك=وطيارها فيه الشبهه من سطاكا
وعليك من خلي شبهه يوم حلوك =عينه مثل عينك وفعله احلاكا
ياليت عماني على (الكنق )سموك =حتى يزيد بقلب ديمه غلاكا
ياطير طيري حر مهوب مملوك =من لابتن تعرف نهار العراكا
له فزعتن يفرح بها كل مضنوك=من فزعته خصمه يجيه ارتباكا
عليه جفني كن في داخله شوك=وهمه لجى وسط الضمير وتراكا
يلعب بقلبي لعبت ايغور بالهوك =الى تحدى لاعب الصين تاكا
فكري معه دايم مبرمج ومشروك = بيني وبينه بالفواد اشتراكا
لو يطلب عيوني فدا قلت له دوك = روحي ومملك كلها من فداكا
ويفدا وليفي كل خايب وصعلوك = ويفدونه الحساد هذا وذاكا
ويفداه من دردش على صفحة البوك = ناس ن بلا شيمه وذمه تحاكا